1月都有櫻花睇！伊豆半島土肥櫻半天遊

如果3、4月去唔到日本睇櫻花的話，唔需要失望！事關有一種櫻花係1月尾就開啦，就係位於靜岡縣伊豆市嘅土肥櫻。

日本第一早開！土肥櫻

土肥位於西伊豆半島，而當地獨有的土肥櫻係喺每年1月尾至2月中盛開，係日本第一早開嘅櫻花。喺每年嘅1月尾到2月初，土肥櫻祭（土肥桜祭り）都會舉行。到時土肥松原公園會有多個賞櫻活動，而土肥金山亦會喺晚間亮燈。

等我介紹一條賞櫻路線畀大家啦！

 

土肥櫻賞櫻散步路線

土肥櫻賞櫻路線全長約4.3公里，由JR修善寺站出發到土肥，單程乘車時間約1小時，散步時間約1小時；成個路線大約佔行程嘅半日。

 

重點景點 松原公園(3)

下車後的首站係松原公園。位於土肥沙灘旁邊的松原公園，園內開滿土肥櫻，仲有全球最大型嘅花鐘，直徑達31米，由約5千朵鮮花圍組成，花鐘外圍有石春路，不妨去挑戰一下，順便強身健體啊

松原公園

地址：〒410-3302伊豆市土肥2657-6

 

重點景點 土肥金山(4)

由公園步行約5分鐘就到，呢度係日本第二大金山，喺江戶時代、明治至昭和年間一共採獲40噸黃金，現留有一坑道畀旅客參觀，看看礦工們嘅工作環境。

土肥金山

地址：〒410-3302 静岡県伊豆市土肥2726

開放時間：09:00－16:30

入場費：860円（成人）、430円（小童）

列印優惠券可獲60円折扣（土肥金山優惠券連結）

 

重點景點 土肥山川沿河步道(5)

土肥山川沿河步道，有一條長長嘅土肥櫻花樹，是必去嘅地方！

土肥山川

地址：伊豆市靜岡 410-3302

 

重點景點 土肥神社(6)

下圖喺神社1月15號更新，可以見到櫻花已經開始開喇！

土肥神社

地址：〒410-3302伊豆市土肥7291

 

重點景點 安樂寺（まぶ湯）(7)

土肥安樂寺是個祈求疾病痊癒嘅地方，內有一條由去內坑道流出嘅溫泉，名為「醫王泉」，可以喺寺內地藏王旁嘅溫泉祈求健康。

安樂寺（まぶ湯）

地址：〒410-3302靜岡縣伊豆市土肥709（由土肥神社步行約3分鐘）

開放時間：08:30－17:00

參拜費：150円

 

重點景點 清雲寺(8)

清雲寺係小田原北条氏時代嘅土肥城主，富永山城守嘅菩提寺。寺內有90塊木板畫，係描述佛教法師日蓮聖人嘅珍貴有形文化財產。

地址：〒410-3302靜岡縣伊豆市土肥709（由安樂寺步行約5分鐘）

開放時間：08:00－16:00

 

重點景點 萬福寺(9)

地址：〒410-3302　 静岡県伊豆市土肥644（由清雲寺步行約7分鐘）

開放時間：09:00－16:00

 

重點景點 若山牧水像(10)

離開萬福寺沿路步行約9分鐘會經過若山牧水像，若山牧水係日本出名和歌作家，其作品以描寫的自然景色，其中「山櫻之歌」內有有關於土肥溫泉。

 

重點景點 足湯「黃金之湯」(11)

有兩個浸腳池，每個長3.3米、闊0.8米、深約0.4米。由於浸完腳就好似浸咗全身溫泉咁暖笠笠，受到好評。最啱行完路放鬆下。

地址：〒410-3302　静岡県伊豆市土肥2657-6

 

重點景點 土肥特產市場「ありがとう」(12)

由土肥温泉旅館協同組合直接管理嘅特產市場，有各種季節蔬果同干物出售。

 

特別景點. 土肥町 恋人岬

介紹土肥唔可以唔提嘅著名景點恋人岬（こいびとみさき, Lover’s Cape）。從古就有男女一齊去敲響鐘聲確認對彼此嘅愛嘅傳統。