最近去到日本走到邊都見到好多Pancake店，
各色各樣唔同類型唔同口感都有，係咪開始食到有啲厭呢？
今次就唔同大家去食Pancake，而係去食超鬆軟嘅西多士！
依間喺新宿嘅「CAFE AALIYA」喺日本其實已經好出名，
由新宿三丁目行1分鐘或者新宿站大約5分鐘左右就會到，
入口比較窄，但係門口有個大大嘅燈牌所以都唔難搵㗎～
入到去好有舊咖啡廳嘅感覺，唔算好大，但都靜靜哋可以坐喺到慢慢食～
我大約11點左右到唔算太多人，但坐到11點半就開始多，
所以去想唔想排就最好避咗啲Lunch時間啦～
佢有好多唔同Menu，食物方面雖然只係得西多士同包，
但飲品方面就好多野揀例如咖啡，茶，朱古力特飲，咖啡特飲之類～
西多士就有分好多唔同Set（2件），每個都係跟唔同嘅配料，
好似雪糕，忌廉，蜜糖，藍梅醬，焦糖等等，
食唔到咁多亦都有Half Size，可以俾你揀㗎～
而今次我就揀咗一杯Cafe au lait(600Yen)同埋西多士MIX SET(880Yen)，
有3件之餘仲有3個唔同配料㗎～(藍梅醬雪糕、焦糖醬忌廉同桂皮蘋果蓉）
因為係即叫即整，所以需要小小時間，大約15至20分鐘左右就有得食啦～
咖啡方面味道好特別，唔算太甜，飲完仲有少少花香留喺口入面好好飲～
西多士方面就咁望已經好軟熟，金黃色有少少燶煎到啱啱好～
切入去根本唔洗用太大就力切得入，蛋香好足，
食落去口感個面有少少脆，入面就非常鬆軟～
再加上配料，冰冰哋嘅雪糕加上熱熱嘅西多士超～好食
CAFE AALIYA開10:00至22:30 Last Order 22:00（星期一至四，六，日）
星期五～10:00至23:00 Last Order 22:30
其實MIX SET一個人食嘅話可能會太多，
所以怕太飽可以叫Half Size或者叫嚟一齊Share㗎～
最後提返大家，之前介紹過嘅AEON Card JAL有新迎新優惠！
只要發卡後首60日憑卡簽賬消費滿HK$12,000就可以有額外5,000里數！詳情可以睇：www.likejapan.com/aeon8
平時呢張卡喺日本海外簽賬同本地食肆消費都有$6蚊1里嘅優惠，為食仔同遊日精出卡就fit晒！
About Post Author
