大家都知道BMW係高級歐洲車，但大家又知唔知最近BMW嘅電單車都好成功，而唔洗講近期最熱門都係呢架。
S1000RR 睇左當揸咗，真係買唔起。正如你鍾意都唔代表一定要一齊架姐？(Fxxk)。成日話私家車買車易養車難，其實電單車都一樣，但難嘅地方就唔一樣。我自己就係歌舞伎町放低車食飯，拎車時有人幫我拉左條花，應該係唔小心姐。
前排係千葉Makuhari Messe舉行左一個BMW改裝車展
首先呢種車特徵就係handle同前碌個角度改到好斜，坐位改到好低，反正就係美式型改裝啦。
而第二種就係改到你都唔知將佢分入邊一類，我地叫佢「改裝車」算，呢次大會最受注目就係呢一架，見到時你以為幪面超人嚟左。
呢架車名為「K 1600 GTL KEN’S FACTORY SPECIAL」，其實個名嘅由來只係將BMW嘅「K 1600 GTL」，由車房「KEN’S FACTORY」進行改裝。型到咁，坐佢出街可能需要一D勇氣。而佢角度改到叭住嚟渣，坐上去嘅時候會唔會以為自己係TOM CRUISE。
NO COMMENT
仲有呢架雪白色Body，曲線型設計又係無得頂。
除左BMW，仲有主催Harley-Davidson改裝再落場比賽團體「V-Twin Drag race Association」出展。
為左防止前碌浮起，後面加左stopper。呢類骨感型設計其實都好受歡迎。
當中仲有呢架又別有風味，好似「MAD MAX」果架。
呢架係BMW名為「K 1600 GTL JUGGERNAUT」，佢係用BMW「K 1600 GTL」改裝而成。咪住先，好似同岩岩幪面超人果架係同一架啵，，，，，
其實呢兩架係BMW特登搵兩間代表日本嘅車房改裝，日本改車嘅技術真係好高。就算對電單車無興趣嘅人，都無妨欣賞下佢地改裝技術。
About Post Author
