東京銀座好多高樓大廈上班一族，所以附近都好多貴價野食，
嚟開呢度但又想食平野又有咩選擇呢？
今次嚟到決定試下長崎人好鍾意食嘅Champon麵！
呢間Ringer Hut個名係咪熟口熟面呢？其實香港都有分店！
最出名就係佢嘅芝士火鍋。
日本就冇芝士火鍋啦，佢嘅重點推介係－Champon麵！
聽講Ringer Hut攞過好多獎！2013年Ringer Hut主打產品
雙倍野菜Champon喺日本人氣朝日電視台<拜託!RANKING
GOLD>節目中，榮獲第一屆麵類總選舉日本第一名。
同時長崎Champon 及Saraudon亦分別榮獲第三名及第十名，
可見佢喺日本Champon市場人氣指數爆燈。
喺今年，Ringer Hut仲喺日本朝日電視台嘅《 日本国民
がガチ投票！麺チェーン店総選挙2016 》節目中，分別由
雙倍野菜Champon麵奪得第三名同長崎野菜Champon麵奪得第五位！
一於睇下係咪真係咁好食啦！
▼睇下menu先，店內仲有中英menu提供㗎！
長崎Champon麵嘅風格有別於一般嘅拉麵。
佢起源於明治三十年代，其實係長崎嘅鄉土料理。
當時長崎嘅中華料理店店長，
為咗提供中國留學生更具豐富營養嘅料理，
所以開發咗呢款Champon麵。
好，即刻叫野食啦！
長崎雙倍野菜Champon麵 734円
用咗7種總共480克嘅蔬菜制成。
捲心菜、豆芽、洋蔥係長崎Champon麵嘅兩倍！
用咗7種總共480克嘅蔬菜制成。
捲心菜、豆芽、洋蔥係長崎Champon麵嘅兩倍！
麵入面有肉同海鮮，夠晒豐富！
姜醬同柚子胡椒醬可以用黎配搭～
我自己就鍾意姜醬多d，同個湯底好夾。
胡椒醬就有d辣，冇咁易入口。
Champon麵嘅特色在於用咗大量新鮮嘅蔬菜，此外仲有肉同
海鮮，一碗拉麵食材豐富，同一般常見嘅幾片海苔、叉燒、
筍乾或者蔥花相較唔同。仲多咗種物美價廉嘅感受。除此之外，
亦更加健康，更符合現代人應有嘅健康飲食概念。
長崎Champon麵 626円
長崎人最喜歡嘅味道，湯底似味噌湯，蔬菜份量有成255克㗎。
呢款平過大份量size，所以蔬菜相對少咗，但可以免費加麵嘅份量～
餃子 5個 259円
Ringer Hut招牌自家美食，外脆內軟，再搭配佢嘅餃子醬，好好味！
長崎熱炒脆麵 734円
另外介紹番，朋友點嘅熱炒脆麵。
勁得意！(點會用得意黎形容㗎?你懂的)，
香口嘅脆麵加野菜，口感唔錯，有風味夠特別。
整體食後感：
Champon麵口感彈牙，湯底夠清甜唔油膩，價錢親民。
特別推介餃子，爽脆得黎又保留到佢嘅肉汁，好味。
但店內只有售啤酒同兩款果汁，並無汽水供應，
咁聽店員講番其他店其實係有供應汽水嘅，只有銀座店無～
▼Total 叫咗3個麵、餃子同橙汁，埋單呢餐係2482yen，
大概190蚊港幣，價錢都合理。
(*以上是連稅價錢)
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ringer Hut 銀座店
地址：東京都中央区銀座6-5-13
電話：03-3575-8019
營業時間：11:00～4:00 (星期日22:00關店)
About Post Author
