相信去過大阪嘅朋友仔都會聽過同埋見過蟹道樂，我覺得佢直頭係一個地標，係正心齋橋同道頓堀嘅中心點！
▼大家都應該對呢隻蟹有印象掛
▼而蟹道樂出名貴，晚餐時段嘅SET最平都要差唔多5000YEN，所以識食一定揀LUNCH時間去食，部分分店嘅LUNCH SET價錢最平可以平過2000YEN
（＊此為茨木分店的午餐菜單）
▼而蟹道樂亦都出名多人食，尤其係道頓堀分店，所以想食一定要預先BK位，如果唔係就要等好耐先入到去食啦！
你可以上蟹道樂網站預約：http://douraku.co.jp/
或者好似我之前因為網上預約FULL左，透過VISA白金秘書幫我預約。
（＊不過其實蟹道樂全日本都有好多分店，唔需要一定係大阪道頓堀先有得食～上面網址睇返分店啦）
▼因為我太遲BOOK了（早一星期），本身想預約食道頓堀本店分店，但已經FULL BOOKING，所以白金秘書幫我安排左同一條街嘅」中店」分店，而且只有3:00PM的時間。
▼中店樓高5層，共有194個位置，我地被安排到5樓位置，和式佈局好舒適。
▼中店提供嘅午餐選擇：
▼最後我地選擇左最平2160YEN嘅」藍」定食同3780YEN嘅」萌黃」定食！
▼藍定食：
◆水煮蟹肉配醋
◆螃蟹茶碗蒸
◆蟹肉可樂餅
◆螃蟹壽司
◆清湯
雖然只有6款食物，但由於可樂餅同壽司屬於非常飽肚嘅食物，所以唔會話唔夠飽！
我覺得全部都好好味，連個湯都好好飲！
▼水煮蟹肉真係啖啖肉，佢個醋又係好好味，配醋同唔配醋係2種唔同嘅好味食法～而且佢仲有一支食蟹工具輔助，非常貼心！
▼可樂餅非常有驚喜，唔會覺得油膩而且蟹味十足！
▼萌黃定食：
◆水煮蟹肉配醋
◆螃蟹刺身
◆螃蟹茶碗蒸
◆蟹肉焗烤通心粉
◆螃蟹天婦羅
◆螃蟹釜飯
◆醃菜
◆清湯
◆淋上抹茶的冰淇淋
比藍定食貴1500YEN，就有9款食物，其中水煮蟹肉配醋，水煮蟹肉配醋同清湯都係相同嘅～
呢個SET除左個醃菜唔係太岩我口味之外，其他全部都好好味，綠茶雪糕好特別，係雲呢拿雪糕再加入綠茶咁食，又幾正喎！
▼成個SET我認為最好味一定係刺身，好鮮甜，一試難忘！！
▼螃蟹釜飯有2鍾食法，一個係直接食；
▼另一個係加茶變泡飯，我鍾意後者多啲，即係泡飯～
▼而呢個蟹肉焗烤通心粉我覺得都好味嘅，不過可能蟹味唔會太重，芝士忌廉味會有啲搶左蟹嘅味道～
▼總括黎講，雖然蟹道樂已經係一間好出名嘅食店，但佢唔會名大過實，呢個質素絕對係配得起呢個價錢，鐘意食蟹又冇乜BUDGET嘅朋友真係好推薦你黎食蟹道樂嘅LUNCH SET，不過記得要預先BK位呀！
About Post Author
