日本人同大部份亞洲人及華人一樣，過年係一年中最重要嘅日子。
華人就會同家人食年糕，油角，煎堆甚至近十幾年興起嘅盤菜。
日本人就會同家人食年糕同麻糬（雜煮），鏡餅，甚至係御節料理（おせち）。
身為家族一份子嘅寵物，當然有份食，狗狗同貓貓嘅御節料理甚至比主人嘅更豪！
前年開始有間專為狗狗製作天然食品嘅生產商，開始生產御節料畀狗狗，15年就生產咗2000個狗狗嘅御節料理。
16年12月中已經收到6000個御節料理嘅落單。
Dogdiner 嘅御節料理，每個3900円。
而岡山市嘅PureBox就生產咗個「ドットわん酉（とり）おせち」嘅御節料理，有黒毛和牛同真鯛等等日本產高級食材之外，仲有人手一個一個燒嘅仙貝，限定300個，一個月之内賣晒。
「ドットわん酉（とり）おせち」，每個10800円。
大阪市嘅帝塚山WANBANA寵物蛋糕店就收到唔少人問有無貓貓食得嘅過年食品，今年就生產咗用鹿同馬肉嘅御節料理。
貓貓狗狗都可以食用。
「ジビエの重」，每個7980円。
同舖最貴27款嘅特別重就要21600円！
今年香港又好似無狗狗賀年食品。知的話麻煩通知車長丫！唔該！
About Post Author
