提起茨城縣你會諗起咩？ JAXA？ 水戶黃門？ 定係『少女與戰車』？ 或者你根本諗唔起有茨城縣呢個地方？ 茨城縣觀光事業嘅成績其實一向都麻麻，好似根據品牌綜合研究所(ブランド総合研究所)「地域品牌調査2016」，茨城縣嘅知名度同魅力繼續「包艇」。
儘管一系列聖地巡禮喺經濟收益上確實頗有貢獻，不過對於茨城縣本身嘅吸引力似乎又好似冇咩幫助。咁少女又玩過、戰車又玩過，仲有咩可以玩呢？
結果佢哋決定出「猛男」。
一個由茨城縣政府經營網絡電視台「Ibakira TV」，最近分別為茨城温泉嘅名湯同秘湯，包括北茨城市磯原町、常陸大宮市山方同北茨城市平潟町拍咗套「温泉×筋肉×4K」系列嘅宣傳片，仲祭出一個「猛男」(有著褲架)，睇佢一嚟就喪SHOW肌肉，真係唔講得笑，睇兩睇已經幾乎唔記得套片係賣溫泉。
點呀？ 睇完係咪即刻想去浸呢(眼神死…)，套片出咗大約一個星期，都有成萬幾到３萬人睇架。
嗱嗱嗱有著褲架
資料來源:いばキラTV – IBAKIRA TV –
About Post Author
