![[胃食日本]帶你去新開築地魚河岸食海鮮～](https://www.likejapan.com/wp-content/uploads/2016/11/thumbnail/2834_20161130161542.jpg){kind=small}
雖然築地魚市場搬去豊洲嘅計劃仲未完成，
但為咗搬完之後原址可以繼承築地嘅生氣同熱鬧，
2016年11月19日喺東京中央區就開咗全新嘅築地魚河岸～
入面有各種海產、海鮮店同蔬果店等，大約60間店鋪。
今日就帶大家去入面睇下有咩買有咩食啦！![[胃食日本]帶你去新開築地魚河岸食海鮮～](https://www.likejapan.com/wp-content/uploads/emoji/emoji_263a.png)
![[胃食日本]帶你去新開築地魚河岸食海鮮～](/emoji/emoji_263a.png){kind=small}
![[胃食日本]帶你去新開築地魚河岸食海鮮～](/2016/12/editors/1595/2016120193124_5iQBmrd3.png)
其實新開嘅築地魚河岸分成兩棟(小田原橋棟同海幸橋棟)，
睇大家係邊條街入嚟，其實三樓有個天橋係通嘅。
睇大家係邊條街入嚟，其實三樓有個天橋係通嘅。
![[胃食日本]帶你去新開築地魚河岸食海鮮～](/2016/12/siteimages/20161201190542_UZwiG1Xm.jpg)
今日我哋去咗正門小田原橋棟～
![[胃食日本]帶你去新開築地魚河岸食海鮮～](/2016/12/siteimages/20161201190542_NyLrd0aJ.jpeg)
1樓係可以俾人買海鮮等等嘅魚市場；
2樓係貨倉，只準有關人士或工作人員進入；
屋頂就有屋頂廣場，間唔中會舉行一啲特別活動。
至於小田原橋棟嘅3樓就會有FOOD COURT（魚河岸食堂）可以俾大家去食嘢㗎～
1樓嘅海鮮例如有:
鮑魚
![[胃食日本]帶你去新開築地魚河岸食海鮮～](/2016/12/editors/1595/2016120193539_3WOG8r2q.png)
生蠔
![[胃食日本]帶你去新開築地魚河岸食海鮮～](/2016/12/editors/1595/2016120193853_VAVC2kMe.png)
海膽
![[胃食日本]帶你去新開築地魚河岸食海鮮～](/2016/12/editors/1595/2016120193644_2ekpc5qS.png)
蟹腳
![[胃食日本]帶你去新開築地魚河岸食海鮮～](/2016/12/editors/1595/2016120193723_SZMPyQ0l.png)
鮪魚
![[胃食日本]帶你去新開築地魚河岸食海鮮～](/2016/12/editors/1595/2016120193757_nqMp8aEZ.png)
以上喺1樓魚市場買嘅海鮮都可以買上3樓食㗎![[胃食日本]帶你去新開築地魚河岸食海鮮～](https://www.likejapan.com/wp-content/uploads/emoji/emoji_1f618.png)
![[胃食日本]帶你去新開築地魚河岸食海鮮～](/emoji/emoji_1f618.png){kind=small}
好似片入面都有介紹，
以上喺1樓魚市場買嘅海鮮都可以買上3樓食！
除咗可以食自己買嘅新鮮魚生外，
呢度仲有海鮮、中菜、咖喱、炸物、Cafe等5種唔同風格嘅餐廳可以醫肚㗎。
雖然築地嘅場外市場暫時都唔會搬，
不過呢度都俾咗啲新嘅選擇大家，
而且冬天、夏天、或者落雨嘅時候都叫有瓦遮頭，
同埋有得坐低食嘛！
下次嚟開可以行埋呢邊呢～
![[胃食日本]帶你去新開築地魚河岸食海鮮～](/2016/12/siteimages/20161201190612_djmqc2Ru.jpg)
（海幸橋棟入口）
營業時間：
1樓 5AM－3PM
3樓 7AM－2PM
留意！！雖然以上時間寫住由5AM開到3PM，
不過其實早上5點直到9點都係畀飲食店嘅相關工作人員採購或入貨用，所以一般遊客係唔可以入去住㗎！
想入去就要等到早上9點之後先可以入去嘅～
3樓嘅魚河岸食堂都係開放到下午2點㗎咋！
另外注意返，星期日及公眾假期、同埋某些指定嘅星期三都係休市日，盡量避免呢啲日子去喇！
About Post Author
