羽田機場交通｜羽田機場距離東京市區十分近，車費比由成田出機場平，不少人都認為比成田機場更方便！今篇介紹羽田機場去東京市區的交通方法，主要交通包括有單軌列車、京急電鐵同機場巴士，即睇羽田機場交通攻略，比大家參考下所需時間同價錢！
延伸閱讀：羽田機場花園超好逛！ | 東京交通PASS合集
羽田機場交通｜東京單軌列車 最快13分鐘出市區！
要去新橋、東京車站、秋葉原同上野等地方，建議你搭東京單軌列車，車程會較短！由於東京單軌列車的驗票口，與羽田機場國際線大樓的出入境大廳相連，旅客入境後能快速到達搭車位置，十分方便！單軌列車最快只需約13分鐘就到達濱松町站，大家可以按目的地，再轉乘JR山手線或JR京濱東北線。
單軌列車分為三種，以終點係濱松町站為例，票價統一為500日圓。不過，每款嘅停靠站數有別，大家要留意！
- 「普通」：每站都會停，行經羽田機場各站、天空橋站、整備場站、昭和島站、流通中心站、大井競馬場前站、天王洲Isle站同濱松町站。
- 「區間快速」：行經羽田機場各站、流通中心站、大井競馬場前站、天王洲Isle站同濱松町站。
- 「空港快速」：行經羽田機場第一、第二同國際線航廈，再直到濱松町站 。
| 單軌列車 | |
| 費用(日圓) | 500 |
| 車程 | 約13分鐘 |
| 班次 | 約5-10分鐘一班 |
| 備注 | 以濱松町站為目的地計算 |
| 建議買單軌列車＋山手線優惠票 |
如果選擇轉乘JR山手線，建議買500日圓嘅單軌列車＋山手線優惠票，價錢包咗由機場到濱松町站，再轉乘山手線到任何一站。換言之，多給10日圓就可以搭埋JR山手線，抵好多！ 於濱松町轉車前往東京、秋葉原、上野等山手線車站特別方便！
*以上優惠票只限星期六、星期日及日本國定假日，於羽田機場各站的售票機發售。
如果係由日本其他地方坐國內線去羽田嘅朋友，閒日都可於出發機場購買來回車票，800日圓 (新千歲機場、函館機場、富山機場、小松機場、伊丹機場、關西機場、岡山機場、廣島機場、山口宇部機場、高松機場、福岡機場、大分機場、熊本機場、宮崎機場、長崎機場、鹿兒島機場、那霸機場有售)
詳情可以睇 東京單軌列車 。
羽田機場交通｜京急電鐵
要去澀谷、新宿、池袋等東京西半部地區，建議你搭京急電鐵，時間會較快！
京急電鐵最快只需20分鐘，就到達品川站，方便大家轉乘JR山手線、JR京濱東北線、JR東海道線、JR東海道線，或都營地鐵淺草線等。而京急電鐵分為五種，以品川站為終點嘅票價係292日圓，但各自停靠站數有別，大家要注意！最快嘅方法係搭「機場快特」，由國際線航廈出發，只需12分鐘就直達品川站。
| 京急電鐵 | |
| 費用(日圓) | 300 (IC Card：292) |
| 車程 | 約15分鐘 |
| 班次 | 約5-10分鐘一班 |
| 備注 | 以羽田機場第一國際線航廈出發、品川站為目的地計算 |
| 建議買東京地鐵＋都營地鐵24-72小時券 |
*「機場快特」只停大站，如果要去其他車站，建議先Google搵出適合班次，或直接向職員查詢，因為京急電鐵路線較複雜，有機會搭錯車！
羽田機場交通｜機場巴士
如果你有大件行李，想直達目的地，而目的地附近有機場巴士站，可以搭機場巴士。
利木津巴士有多條路線，到達池袋、中野、台場等地方，價錢各有差別！如果去淺草車程約70分鐘，單程車費是1100日圓；如果去新宿，車程約40分鐘，單程車費係1300日圓。除了IC Card付款外（PASMO、Suica），某些路線也有提供上網預約，分別可以在利木津巴士官網或其他網站預約付款。
| 機場巴士 | ||
| 終點 | 淺草 | 新宿 |
| 費用(日圓) | 1100 | 1300 |
| 車程 | 約70分鐘 | 約40分鐘 |
*以羽田機場第一國際線航廈出發計算
詳情可以睇利木津巴士 。
羽田機場交通｜的士
羽田機場同樣有定額的士服務，距離市區又不太遠，所以部分人會選擇搭的士，要注意深夜班次(22:00～5:00)是會比較貴。另外我們最近與Tokyo Airport Taxi合作，使用我們優惠碼的話可以減500日圓！詳情按我。
詳情可以看機場網站。
About Post Author
