想起早前Playstation正式開賣VR嘅時候，簡直感到無比興奮。心諗：仲唔係開始「煲機」嘅日子。可惜身為窮家女實在消費不起，但又想玩VR可以點？
唔駛怕，因為自推出VR以來，已經有好多商場引入VR嘅遊戲活動。港人旅遊熱點台場「Diver City」最近就舉辦咗一個期間限定嘅VR活動：「VR ZONE Project i Can」。係4月15至10月中，場內總共有六款唔同種類嘅遊戲供大家選擇。今次就同大家揀咗三款最具人氣嘅遊戲試玩，到底有幾好玩？
呢個VR活動採取完全預約制度，每日分7個時段（詳細預約方法會係文未介紹）
一入場，首先要買張點數卡（300円）。點數機只可以投入100円，如果唔夠，旁邊就有換幣機可以使用。
買完咭就可以去充值。首先要輸入自己出生年月日同埋個人密碼，之後就可以進行充值。注意充值金額為100円或1000円。每個遊戲所需金額都唔同，所以可以揀定想玩嘅遊戲再進行增值。（詳細增值方法可以參考影片）
而當你每玩一個遊戲嘅時侯，職員就會指示你「拍咭」扣除遊戲所需嘅點數。消費方式係咪好簡單易明哩？![【真體驗】台場限定「VR ZONE Project i Can」試玩報告]()
場內地方唔算好大，不過就整齊分開咗唔同嘅遊戲同商店區域。
由於每節時間只有90分鐘，所以我地就爭取時間，揀咗最受歡迎嘅三款遊戲試玩。
1）ホラー実体験室『脱出病棟Ω(オメガ)』收費：800 円 （約12分鐘）
身為場內唯一嘅恐佈遊戲，係香港見到預告嘅時侯，我已經將佢選定為必玩項目。
一開始工作人員會先介紹一下遊戲內容同玩法，之後就再三提示遊戲好恐佈…如果你地想中途退出可以按緊急制…重點係，你只可以直行，唔可以返轉頭![【真體驗】台場限定「VR ZONE Project i Can」試玩報告]()
![【真體驗】台場限定「VR ZONE Project i Can」試玩報告]()
唔識日文都唔駛驚，因為現場設有中英文語言嘅遊戲指示牌俾大家參閱。
遊戲可以以單／雙人形式進行。戴上VR裝置之後，你嘅視線就馬上進入咗一間廢棄嘅醫院。而我地嘅角色就只可以坐喺輪椅上面前進同埋手持電筒進行探索。
由於遊戲畫面禁止拍攝，所以只有少量遊戲場面提供（總不能對你地劇透㗎![【真體驗】台場限定「VR ZONE Project i Can」試玩報告]()
）
每到一定場景佢會有路線俾你選擇，至於每條路線所引發出嚟嘅故事會唔會有所唔同，就要靠大家去發掘啦！進行雙人遊戲時，係遊戲當中你可以同對方交流，協助對方過關。所以對方嘅命運就係你手上喇（如果你仲可以保持冷靜嘅話![【真體驗】台場限定「VR ZONE Project i Can」試玩報告]()
）
玩後感：遊戲場景同埋氣氛其實都營造得好好，令人充滿孤立同無助感。一開始我覺得自己會被嚇到面青口唇白，不過玩起上來竟然無想像中咁恐佈，只係偶爾有啲失驚無神嘅驚嚇位會令我尖叫一下，或者係我平時玩恐佈遊戲玩得多，已經煉成金剛不壞之身掛，哈哈![【真體驗】台場限定「VR ZONE Project i Can」試玩報告]()
不過本身話唔驚嘅新東方不敗就嚇到不停尖叫同埋淚流滿面![【真體驗】台場限定「VR ZONE Project i Can」試玩報告]()
![【真體驗】台場限定「VR ZONE Project i Can」試玩報告]()
。所以如果你地平時屬於膽小類型，就最好做定心理準備喇。
2）極限度胸試し『高所恐怖ＳＨＯＷ』收費：1,000円 （約7分鐘）
另一隻挑戰你膽量嘅遊戲出場啦！對比起鬼屋，其實我更怕呢個遊戲。
本身畏高多過怕鬼嘅我，一聽完職員嘅指示之後，佢就好善意咁提醒，呢個遊戲其實比鬼屋更恐佈，嚇到我當堂心頭一震。
唔識日文嘅時侯就參閱番中文指示牌啦![【真體驗】台場限定「VR ZONE Project i Can」試玩報告]()
入到去職員會輔助你帶上唔同嘅裝備，包括指定嘅鞋。
正式開始遊戲VR就會指示你嘅任務就係要拯救一隻被困於高空嘅貓貓。而你亦都會開始搭電梯上到大廈嘅頂樓，離地200尺嘅高空。
圖片上可能睇唔出，但你親身玩嘅時侯，真係像真度十足。唔只一直有風聲係你耳邊徘徊，而你踩住嘅木板其實亦都會輕微晃動，搖搖欲墜咁。
當你以為安全救到貓貓，安心準備回頭嘅時侯，就會有特別嘅事情發生![【真體驗】台場限定「VR ZONE Project i Can」試玩報告]()
![【真體驗】台場限定「VR ZONE Project i Can」試玩報告]()
。不過呢個就靠你地自己體驗啦。
嚇到腳仔軟嘅朋友可以參考新東方不敗嘅玩法。![【真體驗】台場限定「VR ZONE Project i Can」試玩報告]()
![【真體驗】台場限定「VR ZONE Project i Can」試玩報告]()
玩後感：對比起鬼屋，我認真覺得呢個嘅恐怖程度較高，因為實在太真實啦！職員更表示有玩家真係連一步都唔敢行。而事實上我地玩緊嘅時侯，旁邊嘅男人亦不時發出奇怪嘅哀鳴![【真體驗】台場限定「VR ZONE Project i Can」試玩報告]()
不過如果以耐玩度來比較，鬼屋就會比較優勝。但時間許可的話，我依然建議大家玩呢個像真度十足嘅遊戲。
3）VRシネマティックアトラクション『アーガイルシフト』收費：700 円 （約7分鐘）
最後一個試玩嘅就係呢個射擊類遊戲。
遊戲開端你會發現自己身處係基地入面等待行動，而親切可愛性感嘅女助手就會出嚟指導你遊戲玩法。
你要移動頭部去找尋敵人，然後進行射擊。敵人嘅移動速度都幾快，所以你都要不停咁做頸部運動去追擊佢地。後遺症係…玩完之後條頸會有少少「酸」，哈哈![【真體驗】台場限定「VR ZONE Project i Can」試玩報告]()
玩後感：唔知係咪我技術太差嘅關係，我好似無成功擊落過一架飛機。感覺遊戲亦都好快完結。對整個遊戲印象都有點模糊，最深刻只係可愛嘅女助手。如果你喜歡射擊遊戲，不妨可以一試。但作為女性玩家，呢個遊戲唔太適合我，而且耐玩度亦唔算高。
而另外三種遊戲，分別係賽車，滑雪同埋電車駕駛。現場所見，除咗滑雪有人玩之外，另外兩種都無人問津。
而賽車遊戲，係玩嘅時侯，竟然無帶上任何VR裝置，呢樣就令小編非常奇怪。因為如果無VR，呢個遊戲對比起香港機舖實在係天價。（有同事親身試玩後感。）
總結：恐佈醫院同埋高空救貓貓實在非常值得玩。建議可以根據個人興趣再配搭多一個遊戲玩就好足夠。（當然時間許可你可以繼續玩）不過最好一早選定目標，咁就唔駛浪費考慮嘅時間。熱門遊戲有可能要排隊，好似恐佈醫院我地就大約排咗15分鐘，為免錯過你嘅心水遊戲，建議先排首選，其他容後再說。
另外，場內有儲物櫃可以俾大家放低行裝慢慢玩。不過要注意遊戲屏幕畫面唔可以拍攝。（我地係經許可啦![【真體驗】台場限定「VR ZONE Project i Can」試玩報告]()
）
【購票方法】
「VR ZONE Project i Can」採取完全預約制度。而家就教大家點樣網上預約啦！
登入官方網站後可以見到右上角有一個預約選項，點擊進入。
可預約日期只限當日起一個月內。了解後點擊繼續。
之後輸入你嘅個人電郵地址，佢就會發一條預約Link俾你。如果想先確認心儀嘅日子有無位，可以先進入預約情況。完成後按繼續。
最後確認電郵地址正確就可繼續。如果有錯請按返回修正。
確認後，登入自己電郵就會收到預約登錄電郵。入去之後會有一條預約Link。
「O」代表有空缺、「△」代表只有少量空缺、「X」代表已完／滿、「－」代表未開放預約。點擊進入想預約嘅日子。
佢總共分7個時段。選定後點擊繼續。（要留意番空缺情況：O / △ / X /－）
之後就要輸入性別，出生日期同埋總人數（最多可以4名）。確定後按橙色部分繼續。確認資料無誤後，就會收到「確認預約」嘅Email。
恭喜你，整個預約程序就完成啦。到現場後只需出示預約Email即可。不過記住如果改行程或有事去唔到，記住儘早按下面取消預約。咁就可以讓番個位置出嚟，做個負責任嘅好旅客嘛![【真體驗】台場限定「VR ZONE Project i Can」試玩報告]()
【VR ZONE Project i Can】
期間限定：2016年4月15日至10月中
地點：Diver City Tokyo Plaza
地址：東京都江東区青海 1-1-10 ダイバーシティ東京プラザ3F
時間：10:00－21:00
官方網站：http://project-ican.com/
特別嗚謝BANDAI NAMCO Entertainment Inc全力協助拍攝
About Post Author
