白夜叉祭開催中～銀魂迷必去池袋「萬事屋銀魂CAFE」

嗚嗚嗚……陪住我地長大嘅《銀魂》係咪真係要完啦……(哭)

米住！萬事屋幾隻馬騮之前係將軍屋企打爛咗?舊傳家之寶都仲未賠夠錢，點可以話做完就做完嫁！

為咗賠償天價債務，佢地偷偷地改裝咗登勢間鋪，變成「万事屋銀ちゃんCafe & Bar」，身為fans嘅我地就緊係要多多課金，幫銀時脫困啦！

一去到門口見到個銀魂Logo，個心仔已經係咁卜卜跳！

每位入場嘅客人都會抽到一張紀念貼紙，我地就抽到銀時同沖田！LUCKY！（話說我有朋友一直抽到無用男……）

每一次去都要帶住依張印仔卡，去夠十次、廿次會有禮物～

Cafe入面周圍都係影相位，仲有人著住銀時外套呀、T-shirt呀之類嚟影相㖭！

最近銀魂cafe有咩新搞作呢？就係九仔嘅誕生祭啦！由而家至到4月20號，鐘意九兵衛同呀妙嘅禁斷之戀（誤）嘅朋友，記得叫下面?道「青梅竹馬嘅白痴」黎試下呀！（期間限定㗎！）

與此同時，由而家去到4月24號仲係白夜叉祭㖭！好有型呀！忍唔住叫左下面依個「攘夷志士們的盛宴」～

「攘夷志士們的盛宴」其實就係4舊cake仔，每一舊蛋糕都代表左一個角色，好似左下角呀銀個舊cake，就係用綿花糖代表佢個頭銀白色髦毛，而四舊入面最最最好食個舊，就係高杉個舊紫薯cake!!! 紫薯粒粒＋紫薯cream＋竹炭蛋糕底，唔會太甜太膩，紫薯腔必叫！

除咗岩岩兩個期間限定menu之外，我去個陣岩岩好仲趕到水尾食「定春肉球漢堡扒飯」～塊扒唔錯，個汁有D杰同埋唔係好夠，不過不失啦～之但係由於個活動已經完左，想試食嘅朋友可能要等到下年先有啦（亦可能下年都冇www殘念！）

同樣都有定春，依個「永遠嘅對手寵物大對決」甜品就令人喜出望外！

（伊莉莎伯個牌寫住：「要將你剁成免治肉醬！」兇恨得黎好可愛呀～～～～）

首先伊莉莎伯個頭係一舊雪米糍，好睇又好食～成個波咁巧得意呀～～～～

然後定春依個甜品就係士多啤梨粒粒布甸＋超軟綿綿忌廉，入面仲有少少迷你白玉仔，酸酸甜甜咁，勁級好食！係全場最好食嘅甜品！

不過世事點會盡如人意？冇中過伏又點算完滿嘅人生？

多謝依個「鬼兵隊下酒菜」，令我嘅生命有更多起起伏「伏」，「鬼」咁精彩！首先，中間藍色個pat啫喱我食完都唔知係咩味（總之唔係好味），配合埋後面白色個d怪汁＋洋蔥真係食到人一殼眼淚……右邊個舊牛肉其實本身都OK，但係個醬有太大陣WASABI味，偏偏我又食唔到WASABI，結果又係繼續流眼淚……最左邊個舊炸芋頭其實都唔錯嘅，但係你唔好期待佢係熱辣辣出晒煙咁上比你，而其實如果我冇對返份menu，我都唔會知道自己原來食緊芋頭……講到尾，個問題會唔會在於我叫左下酒菜但係冇叫到酒呢？

唉唔好再講D衰嘢啦！大家有冇見到啱啱樓上張相左下角有兩個coins？原來大家每叫一樣野就會得到一個硬幣，D硬幣係用黎投票㗎！我當日嘅人氣投票主題係：「你最想同邊個一齊去睇櫻花呢？」唔洗問呀桂（係呀係呀桂唔係假髮呀），最後當然係呀銀勝出啦～～～～叫得越多就可以投得越多，想分散投幾個人又得，集中投一個人又得，得咗！