依兩日日本麥記真係hit到爆，事關開心樂園餐換緊多啦A夢玩具，而剷屎官們又瘋狂地將主人戴住多啦A夢鈴鈴嘅相PO上Twitter，令冇養貓嘅人萬分無奈！不過，係貓貓洗瘋狂洗版嘅同時，間唔中都出現咗幾張○○戴住鈴鈴嘅肉照～啱呀！唔通我冇貓就唔可以換鈴鈴，唔可以po相咩！
《多啦A夢：大雄的宇宙英雄記》就上畫，不過大家好似淨係對個鈴鈴有興趣，冇咩人提套戲（悲）
上Twitter一search，勁多貓貓戴住鈴鈴嘅相！
好在世上仲有幾個僅餘未被貓星人俘虜嘅人類，勇敢地PO咗其他○○戴住鈴鈴嘅相片～
首先出場嘅係喵星人永恆嘅宿敵－－汪星人！
推主mikanorwegian：變身做多啦A夢，實在太可愛啦！聽日一朝就要咁樣去麥記！
推主nyanparari0809：因為太想要個鈴鈴啦，所以害羞地買咗個開心樂園餐(*ノ▽ノ)
推主wtr11rara__ ：我不受控制買咗個鈴鈴……
推主：bb_mwma：最高に可愛い![無養貓又點？唔係貓都可以戴多啦A夢鈴鈴 ！]()
（個個都話自家毛孩最可愛㗎啦LOL）
推主naxxnami：到底係我家孩子太瘦，定係個鈴鈴太鬆……
推主chanamoto0301：戴咗個鈴鈴之後，我13歲嘅狗狗係咪又後生又可愛呢～
睇完汪星人就到純情小白兔啦～不過依隻兔仔可不是省油的燈喔（汗）
推主puripara_su：佢唔鐘意我掛個鈴鈴係佢條頸到……（嘩你睇佢眼神幾凌厲！）
推主puripara_su：所以我幫佢戴咗兩個係個頭同個背脊到～～（笑翻！！！）
冇寵物嘅朋友點算？唔緊要我有毛公仔！佢地都係我屋企人嚟！
推主yuuhirocoroco：由於冇寵物嘅關係……（kkkkkk）
依張係McDonaldsJapan自己post㗎！日本人真係好鍾意賤熊！
冇寵物又冇公仔……至少還有……我自己！！！！
推主SHIHO_BTB_TNA：（幽幽地）趁仲可以戴住個鈴鈴嘅時候，就要試下戴啦……（31歳←←）
其實我琴日都貪得意買咗個開心樂園餐，但係我又冇得養寵物，亦都已經過咗可以戴係條頸到嘅年紀……
所以我掛咗係個咖啡機到，完全冇違和感！！！！！
btw，其實開心樂園餐個蘋果醬忌廉迷你熱香餅好好食！就算唔換鈴鈴都食得過！
有關開心樂園餐嘅詳情，可以去麥當奴個官網到睇：
About Post Author
