上星期三(2月7號)晚播出嘅《TOKIOカケル》邀請咗 瀧澤秀明（TAKKI）做嘉賓，分享自己去溫度高達千度熔岩湖探險嘅興趣。原來 瀧澤秀明就曾經亮相2月9日於英國科學期刊Science Reports上面嘅一篇論文。TAKKI唔單止唱歌跳舞做戲，仲以藝人身分追逐探索火山嘅夢想，將佢體驗嘅寶貴經歷同大家分享，令人佩服！
為研究潛入海底採集岩石
論文證明咗喺鹿兒島以南嘅海底，鬼界破火山口由於7300年前嘅一次巨型火山噴發，而形成世界上最大嘅火山穹丘（lava dome），揭示咗海底入面埋藏大量岩漿嘅可能性。
而作為鬼界破火山口研究調查隊嘅一員，TAKKI亦聯同NHK潛水攝製隊一齊深入25米海底，採集岩石。
地球僅存熔岩湖征服之旅
《TOKIOカケル》節目入面，TAKKI分享咗4次去火山探險嘅經歷。TAKKI就話佢去嘅時候並唔係好似一般去旅行咁有導遊帶住，而係同醫生、學者同埋攝影師組成一個團隊出發。
熔岩湖即係有好多岩漿喺火山口積聚而形成嘅湖。由於熔岩湖係超過1000℃嘅高溫環境、排出嘅有毒氣體同埋唔知幾時爆發嘅火山，去熔岩湖可以話係冒死嘅探險。
現時地球全年存在嘅熔岩湖據說只有5個，分別係埃特阿雷火山（非洲埃塞俄比亞）、埃里伯斯火山（南極洲）、基拉韋厄峰（夏威夷）、尼拉貢戈火山（剛果民主共和國）同安布里姆島（瓦努阿圖）。
上圖為維基百科英文版頁面，上述熔岩湖都被列為長期或近乎長期存在。
當中節目播出時提及瓦努阿圖嘅本博火山。
安布里姆島（瓦努阿圖）
TAKKI指由山頂到熔岩湖嘅距離大約係600米（同東京sky tree差唔多），加上要考慮地勢同避開危險氣體游繩而下，一落一上都要用10個鐘。途中仲會有好大嘅地鳴。
TAKKI就話因為世界上仲未有多過5個人去過，而佢就係第4個。
埃特阿雷火山（非洲埃塞俄比亞）
本博火山(瓦努阿圖）
咁辛苦，連主持之人嘅國分太一都忍唔住話：「呢個仲要唔係拍電視呀，係無人工嘅私人時間」TAKKI就笑住答話去火山探險對佢嚟講係一種獎賞。
尼拉貢戈火山(剛果民主共和國)
探索熔岩湖嘅工具
TAKKI介紹佢去探險嗰時嘅背囊。背囊入面有頭盔、特製嘅下降工具、安全帶、雷達距離尺等等，重達15公斤。當然唔少得防熱衣同防毒面具。
佢話咁熱嘅地方企5分鐘已經係極限。
探險之旅・待續
南極嘅埃里伯斯火山，TAKKI就話佢都好想去。不過就算真係得到去南極嘅許可，都好難拎到落去熔岩湖嘅許可證。
「瀧澤秀明的火山探險之旅～深入巨大破火山口之迷」
至於寫成論文嘅鬼界破火山口研究，NHK就話會喺今年春天於NHK BS Premium播出。暫訂節目名係「滝沢秀明の火山探検紀行～巨大カルデラの謎に迫る」
About Post Author
