上篇就介紹咗第一日山形鶴岡嘅深度遊，今日就等我介紹埋第二日嘅行程～！
一起身我哋就去到依個「出羽之雪」嘅酒廠像日本酒〜
「出羽之雪」已經係有400年歷史，世世代代都係造日本酒，
而依個日本酒廠除咗有酒買同飲之外，仲有好多由江戶時代留落嚟嘅造酒道具，
方式同資料等等～可以睇到以前同而家嘅轉變過程㗎～
依個就係佢哋用嘅米，雖然好似一樣咁，但其實品種大細都唔同，
每一種都可以造出非常純同香嘅日本酒～
有酒，又點少得小食呢
依一到除咗有好多唔同日本酒可以買仲有好啱日本酒嘅小食，
自己食之餘仲可以買返去做手信～！
飲完日本酒，最後就係去到依個「相馬樓」睇傳統嘅日本舞蹈～
「相馬樓」係江戶時代開始以「相馬屋」開業，而家就係開俾大家可以食飯又可以睇跳舞嘅地方～
今次佢哋就跳咗3首歌，三味線加上日本舞蹈和風十足，非常新鮮～
另外亦都有非常有歷史價值嘅人型公仔同埋古美術品等等可以參觀～
今次山形之旅就係咁多，雖然冇好似東京大阪咁有遊樂場，百貨公司等等，
但係可以感受都另一面有傳統歷史，建築物同大自然氣息嘅日本㗎～
About Post Author
