日元升過7算，小編喊到一殼眼淚。雖然係咁，我相信就算日元升到8又好9又好（啋！），都無阻一大堆哈日嘅朋友過嚟依到讀書、working holiday、搵工長住～不過係日本買樓租樓好麻煩，加上如果想短期住（最少一個月）或者想同日本人一齊住嘅話，share house 絕對會比你租間屋好得多！所以今日就介紹幾個我用過嘅share house搜尋網站比大家啦～～～
第一個係ひつじ不動產
因為佢全部都係得日文，所以推介比識日文嘅朋友睇～～～
主頁最左邊「house-review」係share house嘅介紹文，非常詳細咁寫晒share house入面嘅環境係點，有咩特別，適合咩人住之類～
中間就係新開張嘅屋，最新資訊之類～
最下面就係跟據地址檢索嘅列表～全日本嘅share house資訊都有㗎！
不過我會建議大家用「シェアホウス検索」搵屋～因為sharehouse有好多種，有啲係淨係男／女，又或者你想住喺個室／dorm嘅話都可以係依到篩走啲唔關事嘅結果～
揀好之後就會出現依堆結果啦！可惜佢冇得揀用價錢排序……
另外如果已經冇晒空室嘅話就會mark住「FULL」，不過如果真係好啱心水又有時間的話可以照睇～因為佢可能忽然就會放啲空房出嚟～
揀啱禁入去就會有一堆簡介～當中要留意嘅嘢有幾樣：
1．係咪外國人OK?
2．如果你係男人就要留意下係咪男人唔得啦！有好多share house都係女性限定！
3．距離車站有幾耐？
4．附近有咩設施？我之前揀嘅全部都係附近有便利店＋餐廳＋超市＋100yen店……
5．宿規：可唔可以食煙，朋友可唔可以入居／過夜
6．廁所有幾多個？（有啲屋要十幾人輪一個廁所㗎……）
7．有冇洗衣機、乾衣機，同埋洗唔洗每次都入錢？
8．有冇WIFI同洗唔洗錢？
如果睇完覺得啱心水就禁入空室望下啦！留意！大家要比嘅錢除咗租金仲有共益費，姐係水、電、媒、清潔費之類～
另外備考入面會講明間房係和室定洋室、地板定塔塔米、有窗冇窗之類～
想睇相可以禁入去「全ての画像」～下面有房間相～
房間相有房號，搵返自己想住個間係邊張～不過大家見到啦，張相係5年前影嘅，入面可能好多野唔同咗……睇如有床冇床有櫃冇櫃之類，依啲就睇返備考作準啦～
最後可以睇下「シェアホウス検索隊」嘅介紹文（全日文！），圖文並茂，好詳細㗎！
同埋我鍾意佢有地圖～邊個地區有空室全部畫晒出嚟～好似如果我地留學生想住喺學校附近，用地圖搵屋就最方便啦～
另外TOKYO SHAREHOUSE又會根據concept分類，例如你鐘意煮嘢食，想住係問有大廚房、大飯廳嘅地方，就可以揀「FOOD LOVER」、想同學生們一齊住就可以揀「学ぶのある暮らし」之類～～～
最當大家亦都可以用最簡單嘅地區搜尋啦～
見到啱禁入去就會有詳細資料～有時有啲屋忽然好平，多數都係因為?個價錢係一個床位嘅錢！（正常東京個室一個月都要5萬円起……）
我鐘意佢下面有圖示～藍色就係有，灰色就係冇～你見到灰色就要考慮下冇咗依樣嘢接唔接受到啦～
ひつじ不動產介紹房個頁係冇相睇，TOKYO SHAREHOUSE就有房間縮圖預覽，方便好多！
最後一個介紹嘅網站係BORDERLESS HOUSE~想同日本人住、體驗日本文化嘅朋友可以試吓喺到搵屋～
依個網可以用價錢黎排序！
呃……我揀咗最平嘅49000円以下嘅個室～結果搵得一間（汗）
禁入去，有英文介紹～仲有一樣非常仲要嘅資訊……就係住客們嘅國籍啦！好似我咁，想同日本人又想同韓國人一齊住，揀屋個陣就特別留意住客們嘅國藉啦！
另外依個網仲有房客心聲！有日文有英文，唔怕睇唔明～
floor plan都係好好好重要嘅嘢！我而家住係廁所隔離，雖然好方便，但有時難免會有噪音／0＼
講咗一大堆，都淨係講咗點搵屋，咁搵到之後點樣聯絡房東，點樣睇樓，點樣keep住間房呢？喺下篇blog話比你地知～～～～
About Post Author
