由於心情有少少灰，我就決定化悲憤為食量去宮島口駅嗰邊食返個「廣島蠔任食」哄返自己！點知一出JR站就見到有好多人企係馬路邊唔知等乜嘢，我當然去湊下熱鬧，睇下發生咩事喇！
攝咗個位，順便問下身邊嘅日本叔叔等緊咩（佢哋全家出哂嚟支持！）
叔叔拎部機俾我睇，原來係跑步比賽！（但咩跑步比賽咁吸引？零下1度都出嚟捧場？）
凍到騰騰震…啲手指開始硬哂，做唔到啲細微嘢（例如：拉拉鏈…按按鈕），有Cafe免費派咖啡，好Warm啊！
第一位選手跑到過嚟喇！全場歡呼！
每位選手都代表唔同城市，當出現廣島代表嘅時候，全部人都大叫奸爸爹！
期間有個怪叔叔係咁同我講日文，我都有應佢，點知佢講講下搭咗我膊頭一下，我即刻縮！到散場嗰時又見到佢，我即刻走人。（雖然唔知係咪自己反應過敏，不過一個女仔去旅行，始終要識得保護自己，見唔對路即走。）
天皇盃宣傳海報
送禮物時間 – 情人節限定
仲有兩個星期就係情人節喇，你諗好送啲咩俾另一半或者心儀對象未呢？無論諗咗或者未諗都好，以上呢份禮物都一定啱你，因為禮物唔會嫌多嘅，尤其是朱古力！送禮物最緊要係心意，親手整仲會加分添！呢款「DIY心形朱古力套裝」，係我專登係日本買返嚟㗎，驚唔識點整？只需要幾個步驟，好簡單㗎咋！首先將朱古力整溶，擠落預先印有花紋嘅朱古力模到，再放落雪櫃，咁就得㗎喇！全程只需10分鐘，細路仔都識啊！
整完唔知點送？唔怕，我連禮物盒都幫你預備埋！萬事俱備，就係等你嚟拎禮物，快啲跟住下面步驟做喇！
1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
About Post Author
