整野食好講天份，有天份嘅真係是但喺個穫撩幾吓都可以整到一道美食出嚟，冇天份的話就算準備幾周全都好，一個唔小心就會燒咗個廚房。
而以下嘅日本人，相信都係屬於地獄廚神嗰批，蛋包飯對佢地嚟講簡直係神級料理，可以安全咁離開廚房我地應該要為佢地鼓掌！
1. 「稍為」失敗之作
圖片來源：twitter.com/pattulaaaa
呢位人兄點解可以整到個蛋包飯又扁又平又黑又乾，到底佢進行緊邊個步驟？真係一個迷……
2. 值得原諒之作
圖片來源：twitter.com/0912Ayato
其實都明要好完美咁將個雞蛋包住啲飯係好高難度嘅，所以呢個已經算係好小兒科，最主要都只係掌握唔到飯嘅份量同蛋嘅厚度，結果蛋厚到包唔到啲飯，飯多到雞蛋完全包唔哂。
3. 偽裝成漢堡扒之作
圖片來源：twitter.com/bc199673bc
唔講真係一世都唔會知呢個原來唔係一個漢堡扒而係一客蛋包飯！整嗰位仲話今次已經係第三次整，都仲可整到好似成舊漢堡扒咁，真係佩服佩服！
4. 最好味之作
圖片來源：twitter.com/ka_____ru
呢個個樣算係最正常嘅一個，但如果同你講其實係出自餐廳店主之手你又覺得點？個店主上菜嘅時候仲要好誠實咁同個客人講唔好意思失敗咗，好彩個客話味道唔錯，照收貨。
5. 有排抹之作
圖片來源：twitter.com/hiroqr
如果係發生喺我屋企，又咁啱畀母親見到，一定會被鬧到上天花板！不過都feel到呢位人兄真係好想整好個蛋皮，睇佢反蛋反到飛埋落個爐頭度就知。好在睇個勢隻蛋都應該熟透，執都執得冇咁辛苦。
6. 最核突之作
圖片來源：twitter.com/bupita666
呢個真係經典中嘅經典！原本佢係想整一個好可愛嘅蛋包飯，不過因為技術問題失敗咗，加上用色詭異嘅關係，成個飯整出嚟好似來自地獄嘅料理一樣。
7. 最有創意之作
圖片來源：twitter.com/y0u3u0k9a
其實真係要讚吓佢嘅創意，竟然諗到用章魚燒部機去整蛋包飯！我相信成功需要特別技巧，好期待某日佢會話畀大定聽佢終於成功啦嘅嗰一刻……
我自己就未試過整蛋包飯，不過都試過出街食，仲遇到百年難得一遇嘅失敗之作！間餐廳其中一個賣點係可以畀客人指定蛋包飯上嘅圖案，我當時就點咗個我覺得都算大路嘅「米奇老鼠」，而店員就畀咗個「米奇老X」我。
About Post Author
