《JR東京廣域周遊券》可能大家會有啲陌生，但如果同你講《JR關東三日PASS》會唔會熟悉返啲呢？
事緣喺上年2015年嘅12月，《JR關東三日PASS》（英文：JR Kanto Area PASS）就改左名做《JR東京廣域周遊券》（英文：JR Tokyo Wide Pass）啦～
－－－－－－－－－－－－－
而家就同大家簡短介紹一下《JR東京廣域周遊券》先！
1.）首先《JR東京廣域周遊券》可以話係一張通行証，一張適用於東京及其週邊「關東地區」一帶嘅優惠套票。
3日之內，可以喺以下使用區域裡面唔限次數咁乘撘JR列車及乘撘新幹線、特快列車等嘅普通車廂指定席。
▼JR東京廣域周遊券使用地區
2.）《JR東京廣域周遊券》價錢為10000YEN
3.）《JR東京廣域周遊券》係一個只限持外國護照者購買嘅PASS！遊客萬歲！！（好多日本人都好羨慕遊客可以買到呢啲JR PASS，因為日本本地人係買唔到架！）
《JR東京廣域周遊券》詳細網址：http://www.jreast.co.jp/tc/tokyowidepass/index.html
－－－－－－－－－－－－－
改名事件：
上年12月，《JR關東三日PASS》改名為《JR東京廣域周遊券》之後美其名話可以延長使用越後湯澤站至GALA湯澤站，但其實一般人都好少會去GALA湯澤，因為個道係滑雪場地，就算去都冬天先去到，再加上前身《關東地區三日券》都有優專撘車去GALA湯澤，所以改名嘅潛台詞即係變相加價囉（由8300YEN加價到10000YEN） 
－－－－－－－－－－－－－
適用範圍：
雖然加左價，但係我都會推介想去東京近郊同關東地區嘅你地購買！而我喺加價前同加價後都買過一次使用，2次都覺得好超值，可以話好容易就可以回本嘅一個JR PASS！
▼千葉縣，神奈川縣，茨城縣，枥木縣，群馬縣，埼玉縣所有關東地區都可以用呢張JR PASS 3日內任撘JR去到，除此之外，本州中部嘅山梨縣都有範圍涉及！咁就可以輕鬆到達富士山、伊豆、輕井澤等等著名嘅觀光勝地
可以搭的路線如下：
。JR東日本線全線
。東京單軌電車
。伊豆急行線全線
。富士急行線全線
。上信電鐵全線
。埼玉新都市交通（新穿梭）（大宮～鐵道博物館）
。東京臨海高速鐵道全線
。JR東日本線與東武鐵道線相互過軌的特快普通車廂指定座席如下所示：「日光號」、「Spacia日光號」、「鬼怒川號」、「Spacia 鬼怒川號」，以及東武鐵道線下今市至東武日光、鬼怒川溫泉的普通線（含快速列車）
。東京單軌電車
。伊豆急行線全線
。富士急行線全線
。上信電鐵全線
。埼玉新都市交通（新穿梭）（大宮～鐵道博物館）
。東京臨海高速鐵道全線
。JR東日本線與東武鐵道線相互過軌的特快普通車廂指定座席如下所示：「日光號」、「Spacia日光號」、「鬼怒川號」、「Spacia 鬼怒川號」，以及東武鐵道線下今市至東武日光、鬼怒川溫泉的普通線（含快速列車）
－－－－－－－－－－－－－
行程分享1（4-5月推介行程）：
4-5月日本關東地區多個地方都有唔同嘅賞花活動，利用《JR東京廣域周遊券》去就岩晒啦！
以東京站出發，以下3天的車費價錢如下：
DAY2：富士芝櫻祭（河口湖站）
東京＞新宿（車費原價：200円）
新宿＞河口湖 （車費原價：3910YEN）
河口湖＞新宿（車費原價：3910YEN）
新宿＞河口湖 （車費原價：3910YEN）
河口湖＞新宿（車費原價：3910YEN）
新宿＞東京（車費原價：200円）
車費原價總值： ＝ 25700YEN
購買《JR東京廣域周遊券》3日任撘JR實際使用金額＝10000YEN
所以在這3天的旅程裡共節省：15700YEN
－－－－－－－－－－－－－
行程分享2（10-11月推介行程）：
10-11月踏入秋天，唔凍唔熱嘅天氣最適合旅遊，推介利用《JR東京廣域周遊券》去草津浸溫泉，再去輕井澤單車一日遊，最後仲可以去多次日立海濱公園睇「紅毛球」掃帚草！
以東京站出發，以下3天的車費價錢如下：
DAY1：草津（長野原草津口站）
東京＞長野原草津口 （車費原價：5,490YEN）
富田＞東京（車費原價：5,490YEN）
東京＞長野原草津口 （車費原價：5,490YEN）
富田＞東京（車費原價：5,490YEN）
DAY2：輕井澤
東京＞輕井澤（車費原價：5,910YEN）
輕井澤＞東京 （車費原價：5,910YEN）
輕井澤＞東京 （車費原價：5,910YEN）
DAY3：茨城縣日立海濱公園（勝田站）
東京＞勝田（車費原價：3820YEN）
勝田＞東京（車費原價：3820YEN）
東京＞勝田（車費原價：3820YEN）
勝田＞東京（車費原價：3820YEN）
車費原價總值： ＝ 30440YEN
購買《JR東京廣域周遊券》3日任撘JR實際使用金額＝10000YEN
所以在這3天的旅程裡共節省：20440YEN
大家可以見到其實去一程來回草津／一程來回輕井澤其實已經抵返《JR東京廣域周遊券》嘅價值，所以身為遊客嘅我地真係好著數！
如果大家對呢3個地方有興趣，可以睇下我之前去過嘅遊記影片
草津：https://youtu.be/et2hSRvHLWQ
輕井澤：https://youtu.be/00I_EvWcmxI
日立海濱紅毛球：https://youtu.be/j3EkIrQmFfQ
－－－－－－－－－－－－－
如何購買？
▼可以喺以下地方購買，成田機場同羽田機場都有得買，但注意返羽田機場嘅營業時間係7:45才開放，假如你係撘零晨機好早就落機嘅話，可能出返去市區車站買會方便啲！
詳細地址：http://www.jreast.co.jp/tc/tokyowidepass/index.html#category07
▼咁我就係羽田機場撘零晨機嘅人啦 因為6點未夠就過晒海關拎埋行李走得，所以我就唔等7：45羽田JR服務中心開門，決定返酒店放低行李再出去東京站買；東京站嘅JR旅行服務中心係喺丸之內北口。相片中嘅左手邊就係！
因為6點未夠就過晒海關拎埋行李走得，所以我就唔等7：45羽田JR服務中心開門，決定返酒店放低行李再出去東京站買；東京站嘅JR旅行服務中心係喺丸之內北口。相片中嘅左手邊就係！
▼JR東日本旅行服務中心門口
▼一入去首先會有職員問你要買邊一款JR PASS，然後再問你拎PASSPORT，幫你填好一啲基本資料係張紙仔到，就會再比一個籌你等叫NUMBER。
▼就係咁拎住15號籌
▼然後等叫NUMBER去櫃台
▼等左一陣終於到我啦，直接比剛才職員寫低嘅紙仔比佢地就得
▼因為一開始入門口嘅職員已經幫你寫晒相關資料係張紙仔道，所以你去到COUNTER只係直接比錢就可以。
▼然後我慣左買完PASS直接把未來3日行程預先劃位，因為大部分列車均有指定席，《JR東京廣域周遊券》係可以任坐普通車廂嘅指定席，咁一早劃左位就唔驚冇位坐同之後唔夠時間劃位啦～
我一早已經CHECK定我需要坐嘅列車同時間，然後清楚列出再打印出黎直接比職員！
▼職員就會好清晰咁幫我出晒所有指定席車票～建議大家都跟我咁做啦！
▼價值10000YEN的JR PASS，使用期間必須係」連續三日」，開始日期可指定日子唔一定即日開始用都得。
▼第一次用PASS個時要比車站閘口職員吸個印仔～
▼即係左手邊個圓形印，證明你已經開始使用！
▼咁就可以好開心咁開始關東之旅啦～
▼用JR PASS最開心嘅事情就係可以任撘舒服嘅新幹線！
▼日本撘新幹線對我黎講係一種享受！
－－－－－－－－－－－－－
Q＆A
Q1.可以用《JR東京廣域周遊券》乘撘來往機場的列車嗎？
A1.YES！可以乘撘來往東京市區來往成田機場的NEX列車並可以免費換到指定席，因為NEX都是屬於JR的！
另外羽田機場嘅單軌電車都可以，但京急線就唔可以了！
Q2.可以坐東京都內地鐵嗎？
A2.可以坐東京都內的JR，但東京都內的METRO地鐵，私鐵等非JR列車就唔可以！
Q3.點樣知道列車有冇指定席？
A3.我會預先在網上查看，我通常到這個網址→ http://www.jorudan.co.jp/
▼你會看見左邊出現了」指定席」的字眼就代表這列車有指定席提供
Q4.如果唔想第一日一次過換指定席，其他日子可以去邊道換？
A4.可以到任何JR車站的TICKET OFFICE換領（通常都是綠色窗口的）
Q5.如果換唔到指定席是否不可以上車？
A5.唔係，如果因為唔夠時間去換指定席，亦都可以去排自由席上車（但部分列車只有指定席），但會有機會冇位坐；所以如果係因為FULL左而換唔到指定席嘅話，就建議早15分鐘以上去自由席隊伍排隊！
Q6.《JR東京廣域周遊券》同《JR東日本PASS》有分別嗎？
A6.100%有分別！好多人都會搞錯呢2個PASS，JR東日本PASS係去東北地區嘅PASS，而且係貴1倍要20,000YEN，千萬唔好搞錯呀！
Q7.一人只限購買一張《JR東京廣域周遊券》嗎？
A7.一人不限購買一張，喺唔重複日期嘅條件下，你可以購買多張《JR東京廣域周遊券》。
如果對《JR東京廣域周遊券》尚有疑問的話，可以入去佢個官方網址睇下！
官方網址：http://www.jreast.co.jp/tc/tokyowidepass/index.html
－－－－－－－－－－－－－
官方注意事項：
不能乘坐東海道新幹線及JR巴士。
乘坐列車前往不在」可以使用區域」的地區時，需另行支付規定的運費及其他費用。
不可乘坐「隼」號、「小町」號及GranClass（特等）車廂。如乘坐此等列車或車廂，須支付特快列車費用及GranClass車廂費用。
乘坐富士急行線裡運行的「富士山(Fujisan)特急」號展望車時，需另行購買指定座席的車票；乘坐「富士登山電車」時，需另行購買座席車票。（另行支付費用）
如欲使用指定座席，請務必在搭乘前於JR東日本車站的售票處或旅遊服務中心領取指定座席券（免費）。 光憑此通票無法保證座位。
自由座席則只憑本通票即可乘坐， 但部分列車可能未設置自由座席。
※「疾風」號、「成田特快」號、「超景踊子」號、「日光」號、「鬼怒川」號及「SPACIA鬼怒川」號全車所有車廂均為指定座席（除此之外亦有其他全車指定座席列車。 詳情請詢站務員）。 如未兌換指定座席券，恕不可乘車。
自由座席則只憑本通票即可乘坐， 但部分列車可能未設置自由座席。
※「疾風」號、「成田特快」號、「超景踊子」號、「日光」號、「鬼怒川」號及「SPACIA鬼怒川」號全車所有車廂均為指定座席（除此之外亦有其他全車指定座席列車。 詳情請詢站務員）。 如未兌換指定座席券，恕不可乘車。
上車或下車車站非為JR線車站之東武互通直達特急，無法使用。
上越新幹線的越後湯澤站到GALA湯澤站區間，僅2015年12月19日（週六）起至2016年5月8日（週日）止的期間可使用。
其他資訊：
同一乘車日或者乘車日重複時，不能購買多張車票。
有效期開始日期不可變更。
因旅客個人事由之退票，只要於有效期内且未經使用，均可至JR東京廣域周遊券各銷售點辦理。
即使在有效期的開始日之後，只要於有效期内未使用，並經確認無誤者，亦可辦理退票。退票需支付手續費。但是，有購買指定座席券時，若超過該列車的發車時刻，即使未使用亦無法受理退票。
列車無法行駛或誤點不符合退票條件，不能退票。
若遺失通票，恕不補發。
請提前確認車票上登載的」運送條件指南」。
About Post Author
