排隊排到出人命！？究竟「怪物彈珠」有幾HIT？

早排有朋友同我提起最近網上傳開嘅嘢冇樣真，仲用上年夏天Twitter盛傳喺日本舉辦過嘅【怪物彈珠】活動【Monster Festival】做例子。

手機GAME hit到會死人？

Mixi 喺 2015 年 8 月 2 日假日本千葉幕張展覽中心為【怪物彈珠】舉辦首場單獨活動「怪物彈珠祭 2015」【Monster Festival2015】，內除咗公開亞瑟／海盜／沃加神化合成以及同《魯邦三世》嘅跨界合作企劃、動畫宣傳片外,更重要嘅係入場隻可以得到入場特典(5隻限定寵物+寶珠1粒)。

不過當時正值嚴夏，仲要個個玩家去到排隊先發現條隊遠遠長過玩家同營運嘅預算(據稱9時開場，約10時人龍已超過1萬人，等侯入場時間為3-4小時)。喺twitter除左見到個個身水身汗，後來更加有疑似新聞報道擷圖放上Twitter話個【Monster Festival】排隊排出人命！

好彩，呢件事嘅真相當然只係網友改圖無搞出人命（不過排隊嘅人太多搞到中暑就真嘅），不過呢隻遊戲原來一早係日本Google play/Appstore 銷售額排行榜嘅常客，除左佢原本已經一路有喺youtube出緊佢嘅動畫版(有埋多國語言字幕包括繁體中文字幕!)！

動畫版已經做完，之後仲喺12月正式於日本登陸埋大銀幕做劇場版添！

話說遊戲本身嘅繁體中文版原來14年5月喺台灣已經有得玩，然後2015年3月仲喺香港和澳門推出至今，亦都已經達560萬下載人次。

抽到你傻！多個超大品牌合作！

好多日本手機Game都有抽蛋元素，【怪物彈珠】當然都有！雖然手機遊戲本來就經常會同唔同遊戲／公司等舉行合作活動，不過能夠同大量或者大手嘅品牌合作，就表示隻遊戲嘅「底力」好足夠吧。

大量日版的合作活動，繁體中文版都一應俱全!!

福音戰士系列

MONSTER HUNTER系列

ULTRA街頭霸王IV系列

除咗跟隨日版嘅合作活動外，繁體中文版連自家限定嘅合作活動都有！

白蛇傳

KFC(汗…)

連蛋黃哥都有!!

怪物彈珠x馬來貘

神魔之塔

甚至乎上年嘅香港動漫節，會場都有【怪物彈珠】限定關卡玩！

由於【怪物彈珠】喺日服時代已經累積唔少名氣，繁體中文版一推出已經有好多人加入，其中唔少玩家仲一直玩到而家，所以剛剛先加入嘅新手難免要花啲氣力急起直追。不過即使而家先起步，其實只要玩得好，呢個距離絕對可以靠玩家嘅努力彌補！

其實怪物彈珠玩啲乜？

首先，呢個遊戲係收集唔同嘅彈珠（寵），用佢哋嚟挑戰唔同嘅關卡。關卡嘅戰鬥方式是以手指喺屏幕上拉動出箭頭，決定好方向後放手射出。

速度同傷害都係按唔同嘅彈珠自己嘅數值而定，不過用手指拉長一啲其實可以瞄得更加精準。當然期間係會受到敵人攻擊，而只要自己持有嘅3隻寵以及好友嘅1隻寵嘅HP都歸零時，就代表挑戰失敗。

詳細只要順次將主線關卡攻略好，循序漸進大概就可以上手系統。另外，小編推薦新手先熟練一下先參與多人連線，加入別人開設嘅遊戲。

咁樣雖然得唔到經驗值，但係除咗本來就唔用自己嘅體力以外，關卡最後結算嘅寶箱(有參與嘅玩家一起共享)以及途中由自己打下嘅蛋都是歸自己嘅，無論如何也很划算啊。(不過都要注意關卡難度太高嘅話還是會雙雙全滅)

有興趣不妨下載遊戲試玩下！

ios版本按此

andriod版本按此

一開始要儲咩角色好？

最後，相信新手一開始肯定有自己需要咩角色嘅疑問，剛好怪物彈珠喺1月17日至1月20日期間會舉辦新一年「英雄祭」轉蛋活動，除咗英雄祭限定角色「★5 朱蒙」、「★5亞瑟」、「★5拿破崙」、「★5聖女貞德」之外，今次轉蛋仲有新限定角色「★5 泰佩絲特」亮相。以上角色喺活動期間內轉出機率超大提升，而期間轉出嘅「★5 泰佩絲特」更加係一開始就全「+值」Max嘅狀態！

今次提升轉出機率嘅★5 角色中，「★5 亞瑟」以及「★5 拿破崙」係適合新手入門嘅角色，強烈建議新加入嘅玩家要趁呢2隻轉出機率提高嘅期間抽其中一隻來開局。