唔少人都已經用過喺成田機場領取嘅免費SIM卡，最近就有個好消息，就係Andriod用家都終於用到呢個服務啦！今次WAmazing唔只擴大服務對象，仲延長免費上網嘅期限至15日(原本5日)！遊日人士記得留意！
呢張日本免費上網SIM卡由WAmazing提供，2016年2月開始投入服務，針對香港同台灣嘅遊日人士。免費上網服務本來只限於iPhone用家，但2017年8月14號開始，就全面開放至iPhone同Andriod平台。WAmazing就指，免費SIM服務廣受歡迎，為左滿足越來越多嘅使用需求，亦將服務由5日延長至15日，希望更多訪日旅客發掘日本嘅新一面。
SIM卡嘅免費數據流量維持500MB，但使用期限就由5日延長至15日，聽落好似唔錯，但究竟時間長左係咪好有用呢？以記者嘅經驗為例，之前用呢張SIM卡覆下WhatsApp、睇下地圖咁，兩日半就用晒500MB嘅數據流量，所以即使延長使用期限，對記者都無咩好大分別。不過，如果用張SIM卡做後備卡，以防不時之需，或者15日嘅使用期限的確係一個優點嘅！
而唔少用過嘅朋友都會反映，指免費SIM卡網速太慢，只可以簡單覆文字訊息。而我地之前嘅實測都試到同樣問題，以speed test測試只有約0.55Mbps，不過上網尚算穩定，未有頻繁斷線問題。
WAmazing會以email方式通知已用數據用量，大家亦可以用app輕鬆查閱用量。如果想加購data，可以於app內直接俾錢，價錢同之前一樣，500MB係999yen、1GB係1,499yen，而1.5GB係1,999yen。
想知更多詳情，禁入我地嘅實測報告睇下啦：
About Post Author
