搭咗3個幾鐘飛機，終於黎到廣島啦！
一出機場就會見到一塊電子板，話俾你聽黎緊幾班車係幾點出發嘅。
搭機場巴士收費一人1340円，而車飛就可以自己喺機度禁。
話咁快就去到廣島駅，要穿過JR駅先會去到電車嗰邊嘅。選搭1號線往廣島港方向，上車時唔洗俾錢㗎。電車收費成人160円、小童80円，無論你去邊都劃一收費，落車時俾錢就OK～
如果你有當地嘅PASPY卡，就會有乘車優惠㗎～
今次入住嘅係Hotel Sunroute Hiroshima 廣島燦路都大飯店，我地由廣島機場搭大概45分鐘嘅巴士去到廣島JR駅，再轉電車到中電前駅，5分鐘路程就到酒店啦～
呢間酒店喺2008年重新裝修 ，距離市中心僅0.7 Km，離機場60分鐘嘅路程。 飯店位置方便遊人前往市區內嘅熱門景點。為咗俾客人有更舒適同更便利嘅服務，飯店配備咗所有房型皆附免費WiFi，24小時前台服務, 配有無障礙協助設備, 可以寄放行李, 同公共區域WiFi。
廣島燦路都大飯店嘅整體狀況良好，雖然飯店已經好多年歷史，但可能因為2008年裝修過，飯店環境感覺體面，大堂、走廊同房間都好整潔。
大堂櫃枱員工好友善，態度好好，服務唔錯。話說同行朋友漏咗野喺酒店，佢地都幫我地keep起等我地去攞番。而大堂都有一d廣島手信可以買～
佢仲有幾塊board介紹廣島嘅美食、交通方式各樣野～
去得旅行，酒店嘅設施同設備真係好緊要，尤其有冇WI-FI！呢間酒店房入面設備好齊全，有機會用到嘅例如WI-FI、雪櫃，仲有大電視！
我地今次呢間係Crown Room黎嘅，所以入面都好大，有兩個廁所，一房一廳，仲有個茶水間～
茶水間有齊洗手盆、雪櫃各樣，一家大細住呢間房就岩晒啦！
房間都算大，床舒適又整潔～
房間仲有塊全身鏡！
酒店位置適中。廣島和平紀念公園就喺飯店前方，前往廣島和平紀念碑（世界遺產）亦只需步行5分鐘。從JR廣島車站經40分鐘車程即可到達宮島，瀨戶內海以及中國地區的山巒景致盡收眼底。廣島市中心綠意盎然、風景優美，步行15分鐘可到達人氣地區煎菜餅村。
酒店行7分鐘就有一間便利店，夜晚唔驚買唔到野食啦！
因為搭完飛機太肚餓嘅關係，就喺酒店附近搵咗間居酒屋，嘆個宵夜先！
店入面嘅廚師都超nice！
呢間居酒屋距離酒店只係兩分鐘！佢都係食煎菜餅嘅，我地仲點咗啤酒，好肚餓呀！
我地叫左一個煎菜餅同埋和牛燒。幾好味㗎！
埋單呢餐JPY3760，都要200幾蚊港幣～
第二朝起身去食早餐，佢係自助式，款式都算多。仲可以望住超靚風景食早餐！
整體黎講，呢間酒店性價比都算唔錯！雖然算舊式酒店，裝修一定冇新嘅咁靚，但裝修都keep得唔錯，服務搭夠。
地址：日本廣島縣廣島市中區大手町3-3-1
交通方式：
從廣島新交通1號線（Astram line） 本通站步行10分鐘
從廣島電鐵中電前站步行3分鐘
從JR廣島站駕車約10分鐘
從廣島IC或五日市IC駕車約20分鐘
鳴謝：Expedia
About Post Author
