只不過單單幾隻廣島蠔又點能夠滿足到我…所以今次去嘅係【燒蠔放題】！係咪聽到都覺得興奮呢！唔好以為廣島蠔加上放題就一定好貴，食足60分鐘都只係2300円，即係港幣$155左右咋！係咪平到笑出嚟？
喂喂喂…擔心平嘢就一定冇好嘢？放心喇…島田水產係一間已經超過三百年歷史嘅老字號，由江戶時期到依家，一直販賣廣島蠔，質量仲頂呱呱添，分別有新鮮生蠔同新鮮燒蠔兩種，諗好食咩之後，就可以坐係牡蠣小屋入面慢慢食。生蠔係逐隻計，15個2750円（約港幣$185)，20個 3500円 （約港幣236)、30個 5000円（約港幣$337)；而燒蠔放題就係2300円（約港幣$155），如果女仔食量唔多，或者純粹想試下味嘅朋友，可以揀買一公
斤燒蠔(大約10個) 1100 円 (約港幣 $ 74)，不過記得留意6月至9月係休漁期，計劃出發嘅朋友要注意喇！ 店鋪名稱：島田水產
地址：廣島縣廿日市市宮島口西１丁目2-6
前往方法：「宮島口駅」步行約10分鐘
開放時間：10：00 – 19：00
暫停時間：16：00 – 17：00
休漁期：6月至9月
島田水產靠近海邊，隔個海就係宮島，仲有位可以泊車添
燒蠔放題60分鐘2300円（約港幣$155），另外提提你，燒蠔係會收租爐嘅費用，一個爐係400円，可以幾個朋友share
怕食唔哂或者唔想食咁多嘅話，可以揀買一公斤燒蠔(大約10個) 1100 円 (約港幣 $ 74)
光顧嘅主要係本地人，較少海外旅客
食完可以再攞！任攞唔嬲！
店員笑得好甜啊，仲教我點樣燒蠔添
隻隻蠔都咁肥美，係咪睇到吞口水呢
燒蠔都幾好玩，好似玩緊日本燒肉遊戲咁，要小心唔好比佢燶
好似燒得唔錯
點知講完冇耐…即刻燶咗….哈哈
【燒蠔放題】會跟一個飯同湯，就算未燒好啲蠔都有嘢食住先
不過燒蠔嘅時候要小心，因為如果燒得太耐，隻蠔會「Pop」一聲爆出嚟，全間牡蠣小屋都「Pop 」聲四起，我都唔小心彈到隻眼，好彩最後「武士」！（擔心嘅朋友可以考慮下戴護目鏡…哈哈）
同埋留意返，燒蠔放題提供嘅蠔係唔可以生食㗎！千祈唔好做傻事啊！
雖然唔可以生食，但可以加芝士食，冇咁單調！
戰績！食左30-40隻，有網友同我講佢試過60分鐘內食60隻！有冇人挑機？
想食生蠔嘅朋友可以入去揀下
價錢好抵（平均$12隻左右，愈多愈平），食到幾隻先返香港喇！
送禮物時間
今次帶咗啲【即開即食蠔】比你哋，鍾意食蠔嘅朋友，快啲跟住下面步驟做喇！
1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
About Post Author
