【廣島本通商店街】2016藥妝新品搜羅＋好用推薦

去到廣島本通商店街，諗住冇野好買？其實呢度都有好多藥妝店㗎！今次就介紹下2016嘅一d得意新品同好用品啦！廢話少講，即刻開始！

呢款美髮油係廣島特別版，包裝可愛又特別，買黎做手信一流啊！ La Sana喺日本銷量不嬲都好好，仲係Cosme排行榜第一名，好多好評㗎！

 

 

 

 

其實AC x Sanrio蜜粉喺2015已經上咗市㗎啦，外貌十分可愛，但今年特別嘅係！！！

新出咗 蛋黃哥限定 款式！真係超級無敵可愛，點忍到手唔買佢啊！

 

 

 

 

相信唔少人都對呢個Betty十分熟悉！包裝十分可愛嘅佢，有一系列嘅眼睫毛腋、唇彩、眼線筆，仲有好多隻色，咁就可以慢慢揀啦!

 

 

 

偽素顏必備？發現日本真係有好多蜜粉嘅選擇！呢款又係包裝顏色十分可愛，幫你塑造自然美肌！佢係適合沖完涼唔想化妝，但又要見人嘅時候用，例如係溫泉旅行啦～ 好似話呢款碎粉用咗唔洗卸妝，可以keep 24小時，仲有護膚成份㗎！

 

 

 

 

 

呢款body power嘅氣味真係十分怡人，試咗拍喺手上，乾爽又好香。如果你都係夏天容易出汗，就可以買佢黎好似爽身粉咁拍落個身度，咁就唔驚」痴笠笠」啦！

 

 

 

Kanebo 呢款限定天使蜜粉係要預訂㗎，6月中開始發售，官方網站顯示嘅價格係¥8000。蜜粉溫柔嘅觸感同淡雅嘅香氣， 搽上有自然嘅光澤感，咁就可以everyday保持美麗嘅肌膚啦！

 

 

​​

 

見到肌研產品都會忍唔住過去望下，呢款冷感雪酪，質感冰涼好似沙冰咁，試嘅時候都覺得好神奇，涷冰冰咁。佢嘅作用係美白、抗炎症、防紫外線，塑造透明感美肌。用法係做好平日嘅護膚部驟後，用匙刮少少佢嘅雪酪，輕輕搽上臉上，好細力就ok㗎啦，小心唔好磨損到皮膚。然後就可以將佢擺番入雪櫃保藏啦。

 

 

 

一見到呢個櫻花粉紅色包裝，即刻俾佢吸引咗！2016年春季全新上市嘅Lycee blanc櫻花眼藥水，可以幫助消除眼部充血同抑制眼睛瘙癢，啱晒眼睛疲勞嘅人啦。

 

 

 

呢個眼貼包裝十分可愛，佢主打改善黑眼圈， 改善眼紋法令紋眼袋等等嘅問題。洗完臉之後，貼喺眼下20分鐘，第二日眼睛就會更加有神！用完之後再將佢貼番喺玻璃紙上面，下次仲可繼續使用，直到眼貼黏性消失為止。Hello Kitty真係十分可愛！

 

 

呢枝眉筆自己試過都覺得好易用，超細嘅筆芯可以簡單描繪自然眉形，全3色。 同埋價錢實惠，一枝都只係港幣大概50蚊～

 

 

 

鳴謝Expedia。