【廣島】商店街美食推介 – 煎菜餅村

去廣島行街一定會去本通商店街 , 但如果行街行到肚餓咁有咩好嘢食推介呢 ?!
原來係商店街附近有棟煎菜餅村 , 俗稱就係「廣島燒」嘅雜錦煎菜餅 , 其實同大阪燒差唔多但入面嘅食材有少少唔同啦~
「大阪燒」係將低筋麵粉、蛋、炸麵花、水或者柴魚高湯、高麗菜同肉係碗入面攪拌，然後係鐵板到煎 , 製作過程係唔需要壓扁大阪燒~而「廣島燒」係一步一步慢慢將食材堆疊起 , 先係鐵板整一個圓形薄餅皮再放超多高麗菜絲、肉等食材，係旁邊炒熟炒麵，加埋炒麵同荷包蛋然後用力壓 ~
廣島燒和大阪燒最大嘅不同點就係到啦，廣島燒多咗炒麵食落口更有層次，製作步驟同用料都比較多 , 因為製作難度比較高，通常就會由師傅製作啦
大阪燒我就食過啦 , 但廣島燒就未試過啦 , 所以今次嚟到當然要去潮聖一下啦 !!

 

↑ 依棟就係煎菜餅村啦

 

↑ 一共有3層 , 24間鋪頭全部都係食廣島燒 , 如果有選擇困難症的話應該好難選擇 haha

 

↑ 最後揀咗4樓嘅大丸堂

 

↑ 食主菜之前先上一前菜先 , 叫咗個燒牛 , 牛肉唔會好大雪藏味好嫩口 , 好有驚喜 !!

 

↑ 主角嚟啦! 廣島燒係有超有多高麗菜同芽菜 , 如果你地有鍾意食依兩種菜的話 , 相信你地對廣島燒一定愛不釋手 , 廣島燒一般都係坐係鐵板燒枱前面望住師傅製作~

 

↑ 今次揀咗2份Top10嘅推介 , 因為我地2個人食嘅關係師傅除咗切好之外 , 仲幫我地分咗一半交換 , 姐係一半係第一款口味另外一半係另一種口味 , 超級貼心呀~
但係我覺得2個分別唔大 , 都係差唔多材料 , 都係章魚小丸子嘅醬汁味 , 但依個間嘅麵炒得幾乾身唔錯㗎~

 

↑ 我地去個時有本地人訂咗又位 , 又係外國遊客全場爆滿 , 都幾受歡迎~

 

↑ 大丸堂全間鋪頭嘅牆都有唔同名人嘅簽名同留言 , 原來咁多名人都會嚟難怪咁多人嚟食啦~

 

↑ 師傅超級超級Nice , 除咗食物全間鋪頭都係人情味 ~

 

 

 

鳴謝Expedia。