去日本我就真係好鍾意行藥妝店，但咁多間究竟邊間最平最抵買呢？見到網上有好多至抵藥妝店推介，當中東京最多人講嘅一定係上野嘅」OS DRUG」，而另外池袋同吉祥寺嘅藥妝店都話出名抵，咁究竟邊間先係最抵？我呢個」慳家達人」決定搵個答案出黎！！
我分別喺2016年嘅1月同3月，兩度嚟到東京嘅8間藥妝店記錄藥妝價錢，8間藥妝店分別係：
1.上野OS DRUG
「網友公認平嘅藥妝店，一定要去啦」
2.上野松本清（上野アメ横Part1店）
「純粹搵多間上野藥妝店比較」
3.池袋SUNDRUG（池袋東口店）
「亦係一間網上好多人推薦嘅平價藥妝店」
4.池袋松本清（東口店）
「純粹搵多間池袋藥妝店比較」
5.吉祥寺SUNDRUG（サンロ－ド店）
「AGAIN亦係一間網上好多人推薦嘅平價藥妝店」
6.吉祥寺松本清（サンロード店）
「發覺好似都幾平咁」
7.吉祥寺ココカラファイン （サンロード店）
「又係發覺好似都幾平咁」
8.新宿DAIKOKU（歌舞伎町一丁目店）
「呢間係一直去開覺得幾平」
而2次嘅」考察」，我發現絕大部分嘅藥妝價錢都係冇變，除左吉祥寺嘅SUNDRUG之外，第二次去發覺佢有好幾樣產品都平左，咁我就用最新嘅價錢作準啦！
▲而除左1.上野OS Drug係無提供免稅服務之外，其餘8間都有買滿5000YEN免稅的服務（即係買滿5000YEN就可以去藥房嘅免稅櫃台，然後比本PASSPORT職員記錄，就可以免左日本嘅8%稅項），所以喺以下嘅比較表，會見到1.上野OS Drug會用含稅價錢比較，其他就用免稅價錢！
▼咁藥妝店咁多藥妝，我無理由全部同你比價㗎嘛，所以我就揀左以下10款我認為價錢比較浮動嘅產品作比較！
▼ROUND1: 樂敦Lycee眼藥水(隱形眼鏡適用款)
▼ROUND2: ROIHI-TSUBOKO穴位貼片156塊
（*為最便宜價錢）
▲小發現：ROIHI-TSUBOKO穴位貼嘅價錢個差距都算幾大，而且可以發現松本清對於呢個產品係永遠的公價，死都唔減
有圖有真相（可放大）：
－－－－－－－－－－－－－－－－
▼ROUND3: 曼秀雷敦Acnes25藥用暗瘡膏16g
▼ROUND4: 日本版曼秀雷敦AD軟膏145g
（*為最便宜價錢）
▲小發現：松本清本身係一間出名貴啲嘅藥妝店，但係喺吉祥寺嘅分店竟然可以搵到平勁多嘅Acnes25藥用暗瘡膏＠＠
有圖有真相（可放大）：
－－－－－－－－－－－－－－－－
▼ROUND5: EX PLUS 270粒
▼ROUND6: EVE止痛藥 60粒
（*為最便宜價錢）
▲小發現：估唔到EX PLUS 喺池袋SUNDRUG仲貴過池袋松本清，真係唔格過價都唔知；EVE其實我曾經係大阪買過420YEN左右（不過已經見唔返了），所以見到5字頭個心都仲係覺得有啲貴
有圖有真相（可放大）：
－－－－－－－－－－－－－－－－
▼ROUND7: 花王Curel 卸妝凝膠
▼ROUND8: Chocola BB plus 250粒
（*為最便宜價錢）
▲小發現：好搞笑，3間吉祥寺藥妝店唔知係會互相觀察定協議左呢，佢地Curel個價係一樣架
，另外池袋松本清嘅Chocola BB超貴！其實新宿DAIKOKU距離最平價錢都係差好少錢～
，另外池袋松本清嘅Chocola BB超貴！其實新宿DAIKOKU距離最平價錢都係差好少錢～有圖有真相（可放大）：
－－－－－－－－－－－－－－－－
▼ROUND9: DHC橄欖潤唇膏
▼ROUND10: 休足時間18塊
（*為最便宜價錢）
▲小發現：由於上野OS Drug相比下係一間好細間嘅藥妝店，貨品種類比其他都少，所以DHC潤唇膏同休足都見唔到～
另外呢2樣產品嘅價錢發現全部都差唔多，但我以前買DHC潤唇膏其實只需399YEN，相信而家無可能再有呢個價錢了
有圖有真相（可放大）：
－－－－－－－－－－－－－－－－
▼咁多數字知你冇心機睇架啦，所以最後一定做個綜合結果比你！
▲咁係咪即係代表以上4間藥妝店係最抵呢？
－－－－－－－－－－－－－－－－
▼我地今次試下用8件產品加埋嘅價錢睇下邊間比最少錢！
（點解係8件唔係10件？你問上野OSDrug點解冇個2件產品啦）
）
▲竟然見到岩先完全冇一樣野係最平嘅」新宿DAIKOKU」上榜，仲要係第2位，同埋只差吉祥寺SUNDRUG 20YEN ONLY～
不過數到我成個格價過程最驚喜嘅大發現係」吉祥寺松本清好抵呀！「，因為係我心目中，松本清一向係貴價藥妝店嘅代名詞，有得揀我都好少揀去松本清買藥妝！
但而家可以見到同一個集團，吉祥寺嘅松本清比上野區同池袋區嘅松本清平好多；仲有，雖然吉祥寺松本清上唔到3甲，但其實都只係差400YEN左右，如果再去LINE拎埋佢地嘅9折COUPON，咁仲可以再平啲呀！！（注：但唔係全部產品都有折）
如何在LINE拎取松本清COUPON？
在LINE SCAN以下松本清的QR Code，
或者直接打以下ID搜尋～咁佢就會不時推出9折COUPON比你！
（＊不過注意唔一定每星期都有）
貝的個人小總結：
一直以黎，好多人都話」上野OS Drug」同」池袋SunDrug」係最平，事實上呢2間的確係一個屬於平嘅藥妝店，但你如果未去過嘅我可以話比你知呢2間店任何時段都係」超多人」！！！尤其係」上野OS Drug」，舖已經細架啦，有時真係企係門口入都入唔到去
所以我絕對係推介你去吉祥寺買藥妝，你見到個比較表其實3間吉祥寺嘅藥妝店都唔係貴，入任何一間買都唔會有買貴好多嘅情況出現，另外你可能覺得吉祥寺有啲遠唔方便，咁去新宿啦，頭先都見到新宿個間都好平呀，係咪先！
希望我呢編文章幫到大家啦，不過其實買藥妝想再抵啲係仲有方法玩落去嘅
，就好似岩岩提及可以係LINE道DL松本清COUPON，另外申請藥妝店嘅會員卡儲績分又係一個可以慳好多錢嘅做法，不過呢個就比較複雜同我都未了解得最清楚，所以下次先再分享比大家啦！！
，就好似岩岩提及可以係LINE道DL松本清COUPON，另外申請藥妝店嘅會員卡儲績分又係一個可以慳好多錢嘅做法，不過呢個就比較複雜同我都未了解得最清楚，所以下次先再分享比大家啦！！－－－－－－－－－－－－－－－－－－
號外：
格價究竟有幾重要？比你地睇下羽田機場藥妝店嘅價錢你就知!
▼頭先8間藥妝店嘅145g AD軟膏都冇超過1000YEN，但機場藥妝店嘅90g AD軟膏已經要1124YEN啦！
▼不過我覺得AD軟膏都唔夠誇張，EXPLUS先誇，自己睇圖啦不解釋了
所以千祈唔好機場先黎掃藥妝呀！
－－－－－－－－－－－－－－－－－－
8間藥妝店詳細資訊：
1.上野OS DRUG
地址：東京都台東区上野6-11-5
電話：03-5807-2727
營業時間：9:30～20:00
地址：東京都台東区上野6-11-5
電話：03-5807-2727
營業時間：9:30～20:00
2.上野松本清（上野アメ横Part1店）
地址：東京都台東区上野4-10-16
電話：03-3837-5326
營業時間：9:30～21:30
地址：東京都台東区上野4-10-16
電話：03-3837-5326
營業時間：9:30～21:30
3.池袋SUNDRUG（池袋東口店）
地址：東京都豊島区東池袋1-12-11 朝日会館ビル1Ｆ
地址：東京都豊島区東池袋1-12-11 朝日会館ビル1Ｆ
電話：03-5956-1735
營業時間：10:00～22:45
4.池袋松本清（東口店）
地址：東京都豊島区南池袋1-27-7
電話：03-5953-7504
營業時間：10:00～22:00
5.吉祥寺SUNDRUG（サンロ－ド店）
地址：東京都武蔵野市吉祥寺本町1-9-12
電話：0422-23-0952
營業時間：10:00～22:15
6.吉祥寺松本清（サンロード店）
地址：東京都武蔵野市吉祥寺本町1-14-2
電話：0422-22-8331
營業時間：9:00-22:00
7.吉祥寺ココカラファイン （サンロード店）
地址：東京都武蔵野市吉祥寺本町1-11-30ｻﾝﾛｰﾄﾞﾌﾟﾗｻﾞ1F
電話：0422-21-4016
營業時間：10:00-22:00
8.新宿DAIKOKU（歌舞伎町一丁目店）
地址：東京都新宿区歌舞伎町1丁目16番3号 セレサ陽栄新宿ビル1F
電話：03-3204-1188
營業時間：9:00～25:00
About Post Author
