富士急樂園 EVANGELION:WORLD

我細細個就睇 EVA 嫁喇！今次就去咗富士急嘅 Evangelion: World 朝勝！

去富士急個路途真喺好遠… 選擇坐捷運去喺錯誤嘅選擇

 

方法一：池袋搭 JR中央本線至大月駅＞富士急行線，全程用咗差唔多三小時！

方法二：新宿西口バスターミナル(Shinjuku Highway Bus Terminal) 乘高速巴士直達富士急ハイランド駅，相信呢個高速巴士應該會更快。

（但喺要留意巴士車票，可能需要早一日買定！）

 

好喇，坐咗三個鐘，去到富士急食埋個午餐，就去 Eva 館喇～

 

如果唔喺買通行票（5,200 日圓），而只係買入園票（1,400 日圓）

就要再另外買 Eva 館嘅入場卷：800日圓

 

地圖：呢個館喺無固定路線，鐘意去睇咩先都得

 

唔講咁多，入到 PROLOGUE 就見到初號機！一嚟就 show 把朗基努斯長槍比個下馬威我地～

 

跟住就去到 SEELE MONOLITH ，重現碇司令同 SEELE 開會場景

枱面寫咗人類補完計畫第229次中間報告書

 

影完相就轉入 Eva studio gallery 1

一眼就見到真希波，我第一個想法喺，掂唔掂得呢？

（估下我想摸邊到…？）最後無做

 

美里與律子指揮嘅地方

 

但喺…其實…幾流…好膠

 

繼續行就見到二號機！實物大小，一比一！

佢會有表演時間，投影落佢、同佢左、右嘅空間，重現獸化模式同第十使徒對決失敗果個場景。

 

無等到佢表演就繼續行去睇初號機！

 

行過見到綾波麗

 

到喇，一比一初號機！去到岩岩好表演緊

初號機主題喺美里指揮初號機啟動試驗，每隔幾分鐘就會表演。

 

記得 EVA 嘅，就會知道劇情，初號機會暴走變紅～

表演時間大約五分鐘

 

好喇，睇完表演去到 EVA MUSEUM

呢兩張枱放嘅都係 Eva 嘅手繪圖原畫！

 

一比一嘅明日香呀，嗚呀

 

零號機插入栓

 

其實成個館都喺重現場景嘅佈置

 

真嗣第一次見到初號機場景

 

最後仲有部貼紙相機

 

其實個館唔喺好大，唔多野睇，一個鐘都行晒。仲要無一比一嘅綾波麗！

如果唔喺 EVA 死忠，就唔洗為咗佢而嚟富士急喇！

呢個館值唔值 800 日圓呢？不如話，值唔值用一個鐘時間去睇好過啦！

富士急其他機動遊戲成日都要排好耐隊。鐘意玩過山車嘅，拎去排隊好過

 

不過！我最後喺呢個館嘅購物區買咗個福袋送比大家！好耐無送過禮物，難得嚟到，梗喺買返啲野送比大家～

入面有好多野嫁！唔好走寶～

 

1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。