大家好，我喺 Ryan 呀～上次去東京果陣去咗食呢間六歌仙，絕對要推介比大家！
因為二千円唔洗就可以試到上萬円嘅燒肉！！！！！
六歌仙燒肉
地址：東京都新宿區新宿1-3-1太陽花大廈 6f/7f
營業時間：11：00 – 05：00
午餐時間：11：00 – 16：00
午餐時間：11：00 – 16：00
首先去到新宿 JR 站西口，向前行五分鐘就見到呢座 SUN FLOWER 大廈，呢座大廈有好多好多唔同餐廳。
唔洗諗喇，直接踏上嚟六樓！其實個門口幾普通
不過見到呢塊預約板都嚇親，我果日喺 9號，唔係無晒位呀嘛
好彩都有開放即場預約，就咁寫個名就得，然後就喺門口等喇～
我果日去都唔係好多人，等咗 20分鐘就入到去！
今次去就坐咗入房，自己一個食仲要無得睇窗景
不過唔緊要！！！！睇咗 Menu 先，呢個喺平時放題嘅價錢，講緊喺 7,300 円每位起跳！
但喺以下呢個就喺午餐套餐嘅價格！雖然唔係任食放題，但起碼都食得飽先！
相差幾倍呀！
由 1,180円起跳！你都咪話唔抵！
我就叫咗 Mix lunch，四件牛胸同三件牛肋
個 SET 除咗肉之外仲有好多配菜，都唔錯！（拎黎送飯食飽自己最好用）
肉呀，好靚嘅肉呀～～～
飲個湯先，呢個味噌湯比較特別，比一般嘅透明好多，無豆腐，但係就有肉味！！！！
平時嘅味噌湯太咸，我都唔係好鐘意，呢個就唔咸又有肉味，好正！
每邊燒太約 10秒，五成熟，啱啱好！見到啲喺超鬆軟，一啲唔老。
食落去口感超鬆軟，富有彈性！肉味濃郁，食完成個口都喺牛肉味～～～
實在太感動喇！！！！好想返去再食過呀！
同埋啲肉無其他燒肉店嘅肉咁油，唔會成肚油（可能今次唔係放題，食得少肉既關係）
不過日本食燒肉好鐘意比啲醬油你點，醬油味道較甜。
我就唔鐘意喇，我都係鐘意直接食，成口都肉味！
因為啲肉實在太珍貴
所以我每次都只燒一塊！
所以我每次都只燒一塊！
雞肉就普普通通，無咩特別。
食之前梗係要影相 post 上網啦～
值得一提嘅係午餐飯盒，白飯同湯都係任食嘅～
大家下次嚟東京可以嚟試下！
About Post Author
