講起大阪美食，相信好多人都會諗起章魚燒，大阪有好多好多章魚燒嘅食店，咁究竟邊一間係最好味呢？以下位於天王寺嘅《やまちゃん 本店》 ，真心推介比你地，真係好好味呀！！！
▼位於天王寺區域，天王寺站步行8分鐘左右
▼喺正HOOP商場格離
▼就係呢一間啦！就咁睇個BANNER寫住」天然流建康食品」，唔知點解諗起啲台式飲品店哈哈
▼認住呢一間本店，無錯佢係有好多分店的，但網上評語都係話本店最好味！
▼行30秒就有另一間分店啦
▼我食嘅時候《やまちゃん 本店》係拎左大阪第一位嘅，事隔2個月就變左同千日前嘅《たこ焼道楽》同分，不過我都食過千日前嘅《たこ焼道楽》，個人認為《やまちゃん 本店》好味好多
（TABELOG大阪章魚燒排名：http://tabelog.com/osaka/rstLst/RC010911/?SrtT=rt&Srt=D&sort_mode=1）
▼新鮮製作章魚燒
▼原來佢除左係TABELOG話題食店之外，仲係關西米芝蓮2016嘅推介食店！
▼呢間章魚燒唔似平時買好一盒有齊醬汁，沙津醬，紫菜個啲，佢係視乎你想要嘅味道分左6款口味，分別係：
ベスト（原味什麼都不加）、ヤング（醬汁及蛋黃醬）、ヤングB（自家製醬油及蛋黃醬）、レギュラー（一般醬汁及海苔粉）、辛口（自家製醬油及海苔粉）、ごま油塩（蔥粒）
然後可以6個／10個／16個咁買～
▼咁我最後就買左6粒ベスト（原味）同6粒ヤングB！
▼唔好以為冇醬汁嘅章魚燒就唔好味，由於外皮已經加左柴魚片，所以非常香口，再加上香脆嘅外皮，真係好正呀！！完全做到外脆內軟嘅效果！而入面粒章魚亦真材實料！
▼ヤングB配上自家製醬油及蛋黃醬嘅章魚燒仲好味，因為佢啲醬汁同蛋黃醬都好好味，同章魚燒非常配合！
▼一咬開個感覺其實有啲似小籠包，因為入面真係好似有啲湯湧出黎咁，非常之熱，但真係好好味呀！
▼得返2粒勁唔捨得！！
▼非常推介呢間位於天王寺嘅章魚燒專門店《やまちゃん 本店》比你地！！
やまちゃん 本店
地址：大阪府大阪市阿倍野区阿倍野筋1-2-34
營業時間：星期一至日11:00～23:00，星期六及假期11:00～22:30
電話：06-6622-5307
網站：http://takoyaki-yamachan.net/?lang=zh
About Post Author
