【大阪旅遊】大阪周遊卡免費景點推介4－大阪生活今昔館

上一編文章我就推介左」大阪周遊卡」比大家，3000YEN就可以任撘2日大阪地鐵同可以免
費去超過30個大阪嘅觀光設施，不過30個觀光設施2日就一定去唔晒，我就將我去過嘅
觀光設施詳細介紹比大家，睇下大家有冇興趣啦！

 

大阪周遊卡介紹：http://www.likejapan.com/osakaamazing
大阪周遊卡官方網址：https://www.osaka-info.jp/osp/cht/

 

官方簡介：這是日本首個以大阪的「住宅和生活」為主題的博物館。館內以實物大小重現了江戶時代後期的大阪街市風光。商家・交流所・澡堂，可以充分感受到當時的繁華。

 

一般費用：600日圓
地址：北區天神橋6-4-20
營業時間：10:00〜17:00(16:30停止入場)
休息日：每週二(如逢國定假日則延至隔天休息)，國定假日的隔天(每週日、週一除外)，每月第3個週一(如逢國定假日則順延至同週週三)、(年末年初休館，也有臨時開館和休館，需要事前諮詢)
電話：06-6242-1170
網址：http://konjyakukan.com

 

▼上一遍BLOG講到去完 “天然溫泉浪速之湯”，然後就出發去都係同屬 “天神橋筋六丁目”站附近嘅 “大阪生活今昔館”，呢個可以話係一個CP值好高嘅景點，如果你同我一樣浸完溫泉過去嘅話，只需要原路去返5號出口，喺5號出口再行前啲

 

▼就會見到馬路對面嘅 “天神橋筋”

 

▼過左馬路就會見到左手邊嘅 “大阪生活今昔館”嘅BANNER

 

▼如果你唔係浸完溫泉再去嘅話，就只需要3號出口出就到達！

 

▼大廈入口位置

 

▼要上去8樓

 

▼呢道就係“大阪生活今昔館”～睇過簡介，呢道好以只係一個普通博物館，介紹返古今嘅大阪景貌，好似唔多有趣喎，究竟呢道有啲咩咁值得去？

 

▼答案就係呢道有一個和服體驗！只需要額外比多300YEN就可以試穿和服啦！
不過可能因為今日係星期六嘅關係，我11點左右黎到，要輪到14:00先有位置T＾T 所以我建議大家
去完今昔館先去浸溫泉！

 

▼而且你係冇得話揀選後啲嘅位置，必須係順住時間嘅空缺

 

▼咁冇辦法啦，因為我真係好想試下呢道嘅和服體驗，就排隊預約下晝嘅時間啦

 

▼排到我個時已經係變左15:00嘅時間，比完錢佢就比左張紙我叫我14:50返黎集合

 

▼到左14:50返到黎，理所當然已經全部SOLD OUT

 

▼拎住剛才比我嘅票券加埋用周遊卡換左嘅免費入場券入去LU

 

▼首先要上一層

 

▼然後會見到指示

 

▼入到去仲要等叫號碼，我地係拎住15同16號籌，呢個時候就可以放隨身物品入LOCKER先～

 

▼空間好少，所以都幾迫

 

▼等到叫你號碼唔係即刻可以揀和服，只係可以坐喺最右邊嘅長椅等

 

▼個時職員就會送你一對襪，SIZE係冇分嘅，所以我覺得好大對，而男友就覺得好細對XD

 

▼跟住再比對鞋你

 

▼然後就可以慢慢等安排上去揀和服，不過老實講呢道唔係正宗嘅和服，呢道亦唔係正宗嘅穿撘，只係直接將和服疊上你著緊嘅衫上面，再配上簡單嘅蝴蝶結，與其話和服，應該叫浴衣更適合，所以唔好期待呢道係好專業嘅和服浴衣體驗，純粹比你過下隱咋哈哈！同可以見到款式唔算多而且亦都唔算靚，但300YEN價錢可以過下隱我覺得都好唔錯！

 

▼因為款式普通嘅關係，所以我都係隨意選擇一款

 

▼登登，呢個就係我嘅配撘，我好後悔我冇扎起啲頭髮T＾T 
呢道叫得做 “大阪生活今昔館”，所以有好多昔代嘅場景提供拍照，身邊仲有好多同樣著住和服嘅人，真係幾有身處日本古代嘅感覺！

 

▼背面圖，可以見到腰帶有披口，一分錢一分貨

 

▼好多唔同嘅場景

 

▼忍唔住瘋狂自拍

 

▼仲有呢啲懷舊玩具小攤檔

 

▼非常有趣

 

▼呢道真係有好多場景比你影相，雖然和服唔係最正宗，但我都影得好開心！

 

▼而呢道仲會有天氣轉變

 

▼隔一陣就變左夜晚，比我地感受昔日大阪嘅唔同風貌

 

▼非常推介大家黎呢道呀！！但注意返和服體驗得30分鐘，所以要把握時間影相，而其實博物館下層仲有其他展覽，礙於時間關係我就冇去到啦，因為我一心就係想試呢個和服體驗哈哈！