大家好～嚟到原宿雜貨精華遊第二集〜今日要帶大家去一間超級日式嘅手信天堂～
只要你係臨上機之前個日嚟行一轉，己經可以買齊9成嘅手信！
依間位於原宿表參道嘅Oriental Bazaar有成3層咁多，服務周到、空間寬敞、有英文說明（店員啲英文都唔錯）、仲要冷氣夠大，我真係諗唔到有咩理由唔入去逛吓！淨係個門口都已經夠晒霸氣啦！
今面有好多和風小物，全部都係手信之選～當然啦，其實好多商店街都有類似嘅手信買到，但係款色、種類同質素係一定唔夠依到fight！
大家有冇見到依個錦盒？我覺得依個盒嘅設計真係好神奇！
將個頂擰一擰、扭一扭，就會變咗做個袋，有個窿可以放嘢入去！跟住再扭一扭就可以閊返埋！
可能我見得世面少啦…我真係好鍾意依個盒！！！！！！！！！！
跟住就係各色各樣嘅袋仔～形狀大細同花紋都有好多選擇㗎～
Mika就鐘意啲比較colorful嘅款式，不過如果送比長輩嘅話右邊個款可能都係唔錯嘅選擇～（如果係送比我就客氣啦哈哈w）
銀包！其實着浴衣又洗咩專登幾千yen買個袋……帶得少野嘅話，50蚊買個和柄銀包咪得囉～～～
傳統布造花花兜380yen咋～唔好以為旗艦店就冇平嘢先得㗎w
其實大家有冇買過依啲布袋？買塊布，買個手挽，就可以綁出好多種唔同形狀嘅袋～買多幾塊布仲可以日日換款㖭！
依到啲店員好好，會教你點樣綁個袋，同埋有晒英文說明，唔怕返到香港綁唔返！
唔知大家買手信有咩準則，Mika就特別鍾意揀啲又輕又細又薄嘅！所以一見到依個和紙人形Set就以似見到失散多年嘅兄弟咁……冇錯我要搵嘅就係你啦！
身邊有冇朋友鍾意飲紅酒？我覺得依個和服酒樽套真係冇得頂咁靚！又其實就算你唔飲酒，入面放枝道地綠茶都唔係唔得㗎喎～
睇完假和服去另一層睇吓啲真和服先～～～依到款式又多又唔算貴，仲好似啲和服專門店咁有專人幫你試着，有興趣買可以嚟依到試吓喎！
有和服就緊係有埋鞋！都係個句啦，色多碼齊，仲平過你去淺草嗰啲舗頭買！
除咗和服仲有比小朋友着嘅忍者服！勁得意啊～～～
依一籃係圍群！好～型～啊～
最後依到仲有好多茶具碗碟之類，好似好咗茶具文物博物館啲展廳咁哈哈～不過寶物實在多到介紹唔晒，大家自己嚟睇吓啦～
網頁有晒英文㗎！想睇多啲資訊就禁入去睇啦～
About Post Author
