![[原宿雜貨精華遊第三彈]喺正車站對面嘅平價得意雜貨店](https://www.likejapan.com/wp-content/uploads/2016/09/thumbnail/2139_20160907154547.jpg){kind=small}
歡迎收睇第三集原宿雜貨精華遊～今日Mika要帶大家去一間喺正原宿站對面嘅平價有趣雜貨店muy mucho～
睇個櫥窗係咪日系得嚟有啲歐洲色彩？冇錯啦因為依間muy mucho其實係來自西班牙嘅雜貨店～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_QFwHN2K6.jpg)
無論係家品、文具、廚房用品定係衫褲鞋襪，muy mucho都可以滿足到你嘅願望！
由於貨品實在太多太多，今次就淨係精選啲人氣商品介紹比大家啦～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_o6NLDwWi.jpg)
登登登登～成間原宿店最最最熱賣嘅就係依塊民族風圓形厚毛巾啦～帶去沙灘當沙灘席又得，放喺屋企做地氈又得～得咗～
第二位喺出街拖難～你着過一次就會明白點解咁多人會買！因為佢個底係軟軟的好舒服啊～着住佢行街就冇咁易攰啦～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_IRgJuXDt.jpg)
第三位係懶懶咕?～大size真係好鬼大，細size已經夠晒！一禁落去，好滑劣劣軟腍腍！我先唔要比貓訓～依個係我㗎！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_rY6X9cIR.jpg)
跟住就睇吓其他人氣商品啦～
首先有文具部嘅皇者：剪影書立～有樹啦、人啦、單車等等好多款，一set2件～只能說日本人真係好鍾意睇書啊～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_1MOZrFIC.jpg)
跟住第二位係人型鎖匙扣～可以扣晒啲嘢去啲手手腳腳度～不過有冇人同我一樣覺得依個設計好似吊緊頸哈哈～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_2lpE8RBo.jpg)
吊頸系列仲有以下依個「攬實你個電話座」～見到佢攬到咁實真係覺得好安心～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_DOBa2RzL.jpg)
依啲香水呀唇膏呀咁嘅尿袋真係好受女仔歡迎～可以考慮吓買嚟做禮物喎！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_2pxmPFcg.jpg)
不過講到底我最鍾意嘅都唔係啲第一名第二名（冇錯名次依啲嘢於我如浮雲！）
而係依下依堆超可愛嘅食物memo紙！！！！！！！！！！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_lhhUkFgz.jpg)
咁得意嘅設計，咁好味嘅meno都係350yen咋，買嚟玩吓都好吖！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_YWeVaP7Z.jpg)
跟住就到廚房用品部啦～第一位嘅係依個超迷你煎pan／鍋／碟～～有咗佢地，喺屋企都可以食出高級西餐廳嘅感覺！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907160618_eSRrB078.jpg)
第二位係依個300yen嘅沙律杯～個杯係連埋個叉夾咗喺側邊㗎！唔洗另外再準備餐具，係咪好方便呢～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_35JrAfaf.jpg)
不過我覺得啱啱嗰啲都唔夠依個500yen嘅煲仔得意！根本就係為一個人生活而設嘅獨食恩物！唔洗諗啦即買～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_Rr9SYDgx.jpg)
仲有爆谷機＋爆谷筒（大量款式同size）～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_EkvTLwCN.jpg)
韓式綿綿冰刨冰機！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_pvrWxVUi.jpg)
最後講吓有咩擺設啦～依啲水晶球小植物真係睇一睇都精神奕奕～～～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_TMztNsJR.jpg)
仲有LOVE愛的小草～～～有冇人想向女神告白啊？可能派得上用場喎！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_y9MLRyiN.jpg)
木相架～～
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_XjiMQ6D3.jpg)
同木板自己砌嘅儲物盒！超型！
![[原宿雜貨精華遊第三彈]喺正車站對面嘅平價得意雜貨店](/2016/09/editors/1008/20160907151758_o0p8wxTE.jpg)
其實舗頭入面仲有好多好多唔同種類嘅雜貨㗎～咁近車站唔係唔去行吓呀嘛～（笑）
有興趣可以上佢個官網到睇吓㗎！
About Post Author
