![[創作力量和幻想會嚇你一跳]日本人爆笑演繹廣東話潮語](https://www.likejapan.com/wp-content/uploads/2016/12/thumbnail/2980_20170102220419.jpg){kind=small}
相信唔少香港人都覺得自己睇得明少少日文～點解？因為我地睇得明漢字吖嘛！如果唔知點睇得明東_堂啲「日文」廣告？點讀得出優の_品個「の」字？（大誤）
咁掉返轉嚟講，日本人係咪都應該睇得明啲啲我地廣東話嘅漢字呢？
總之，為咗測試大家嘅漢字實力（？）我又去澀谷搵咗啲年輕人嚟估吓我地嘅廣東話潮語係咩意思～結果一如所料，非常爆笑！果然講創意，日本人係冇得輸啊！
「口裏說不，身體卻很誠實」
最搞笑一定係依位人兄啦！
佢嘅答案係：「你有冇搞外遇我一睇你個身就知！」
佢解釋話「口裏」應該就係背住你做咗啲咩，跟住見到「身體」同個「誠」字就諗起唔同你個boby違反咗「誠」依樣嘢？
於是就諗到依個答案啦～
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_uShhi8QU.jpg)
「口裏說不，身體卻很誠實」
依位19歲少年嘅答案都一樣好厲害！
佢嘅答案係：「咀咀完就搞嘢！」
到底係點樣可以睇得出依個答案？年輕男孩嘅心，我睇唔透…
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_5wn9k6P6.jpg)
「口裏說不，身體卻很誠實」
依兩位笑得咁開心嘅唔係日本妹，而係天使嚟！
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_NyMnhxlK.jpg)
點解？因為佢地嘅答案係：「講人壞話會對身體唔好！」
簡直係人美心善啊～～真係獲益良多，銘記於心～
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_9paNoCm6.jpg)
「口裏說不，身體卻很誠實」
依位講得一口關西腔嘅日本妹真係好可愛啊！
因為佢係咁楚楚可憐地話要貼士，於是我講咗一大輪之後佢終於得出依個結論：
「把口話想要，個心都真係想要」…？
咦？一直到佢讀出嚟先發現自己講錯咗！
最後終於改返做「把口話唔洗要，其實係好想要！」
恭喜恭喜～～～
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_RJDhQlXA.jpg)
「不要放棄治療」
如果話啱啱上面嗰兩個係天使嘅話，依個位可能係儲物狂（誤）
因為佢地見到「不要」＋」「放棄」＋「治療」聯想到嘅竟然係「不要」嘅雜物「放棄」（掉咗佢）嘅治療！
平時屋企啲雜物堆到成座山嘅朋友就應該要接受吓依個治療啦
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_vGd3umE2.jpg)
「不要放棄治療」
我真係我鐘意佢啲答案啊！
佢話「就算你唔掉垃圾，你嘅cancer都會好返㗎！」
查實依位人兄嘅真身是咪邪教教主？
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_sy6J5YTu.jpg)
「你的樣子如何，你的日子也必如何」
唔好以為得男仔創作力量和幻想會嚇你一跳，女仔一樣犀飛利！
依位姐姐嘅答案係：「你個樣咁古怪，唔通你有咗？！」
因為「如何」感覺好「古怪」，再加埋見到個「子」字，所以就得出依個結論～
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_rKKLvrhW.jpg)
「我是一個西伯利亞人，冬天的冠軍」
依位姐姐真係好好好好厲害！一啲提示都冇比，諗都唔洗諗就答出99.9％正確嘅答案！
「我係意大利人，我唔怕凍！」
因為日文嘅意大利發音係「易他ri牙」，同「西伯利亞」好似，所以雖然唔係100％正解但都真心覺得佢好勁！
![[創作力量和幻想會嚇你一跳]日本人爆笑演繹廣東話潮語](/2016/12/editors/1008/20161219172002_qGD12oaJ.jpg)
About Post Author
