去日本除咗去迪迪尼，環球影城嘅遊樂場之外，
仲有好多好玩嘅娛樂運動中心，
今日就同大家去其中一間位於池袋，
有保齡球，飛鏢，桌球，卡啦OK，機鋪等等嘅「ROUND1」！
ROUND1 一共有10層，第1,2,3,4樓就有好多唔同種類，
例如夾公仔，音樂類，堆銀機等等嘅遊戲機，
5,6,7,8樓就係保齡球場，9同10樓就係飛鏢，桌球，卡啦OK～
究竟點玩？
好似保齡球咁，就要去到4樓登記～
首先係攞紙寫低要玩嘅人名，再去櫃檯登記，
價錢如下～（每間分店都唔同）
佢哋係一個GAME一個GAME咁計，
例如只係玩一個GAME就690Yen（非會員），兩個就1190Yen（非會員）～
亦都有任碌Package有得俾你揀㗎～（不過就一定要做會員先可以）
錢就係玩完先再去櫃檯俾錢～
如果玩長時間嘅朋友可以揀飲品放題都可以㗎！
登記完就可以去依到借鞋，只要搵到自己SIZE再禁個制就出嚟㗎啦～
之後佢哋就會分你去到5,6,7,8樓其中一層～
保齡球就有5磅到13磅，小朋友專用亦都有，所以一家大細都可以玩㗎！
去到自己條跑道，你就會見到個熒光幕已經有頭先寫低嘅人名，之後就可以開始！
而ROUND1有一個特別之處，就係佢哋每一個鐘就會有一次熒光保齡球活動，
只要你喺嗰個時候男士們打全中，
女士們打中9支或以上（只有第一球嘅一次機會）
就有機會得到禮物同埋影紀念相一張㗎啦～
玩完就去4樓櫃檯俾錢～佢哋會俾一張成績單你，
同埋幾張試玩夾公仔同堆銀機卡俾你可以去1,2,3,4樓玩～
只要你俾張卡嗰層嘅STAFF睇就可以～（夾公仔有指定只可以玩邊一部）
想玩埋其他，就可以上9同10樓玩飛鏢，桌球，卡啦OK等等，
一樣係有櫃檯（9樓）俾你登記就可以～
要記住ROUND1嘅機鋪Corner下午6點之後16歲人士，
同埋下午10點之後18歲人士係唔俾入㗎～
Round 1 池袋店資料
地址：〒170-0013 東京都豊島区東池袋一丁目14番1号 池袋スクエア
網址：http://www.round1.co.jp/shop/tenpo/tokyo-ikebukuro.html
去日本旅行必用信用卡推薦：AEON Card JAL $1.72 = 1里！
愈來愈多人去日本都唔帶咁多現金，去到?面先碌信用卡，順便賺積分或者里數，
本身AEON Card JAL 喺日本海外簽賬同香港本地食肆都有 $6 = 1日航里數優惠！
而家迎新簽滿指定金額額外送5000里，圍返即係低至HK$1.72 = 1里！
換日本機票只需20,000里（換北海道都得架！）詳情去呢度睇下：
https://www.likejapan.com/aeon10
About Post Author
