手工精美嘅Figure固然不乏人追捧，但你又有無諗過一個手工爛爆，食玩咁上下大細嘅Figure竟然一隻難求？，兼且成為日本以致全亞洲Figure圈嘅一個神話？ 傳說一般嘅人氣角色來自『Fate』系列嘅Saber，配以神話級數嘅手工，就成為「邪神像」一詞嘅起源：邪神Saber！
傳說由此開始!?最強邪神誕於強國？
開始故事前先望一望故事主角先！(掩面)
呢個五官端正，儀態出眾嘅Saber(仲要係正版……)，到底想點(拼命忍笑)？
原本呢個係2006年中國動漫雜誌『動畫基地』Fate/Stay Night增刊嘅贈品(30元人民幣買公仔送書)，全名係「動畫基地FATE/STAY NIGHT增刊贈品 SABER手辦限量珍藏版」，到底呢個邪神最初公佈時官圖係咩樣？（邪神咁出眾其實都唔重要啦）
即刻睇下原作品！ 有請宮川武老師嘅1/6 Saber(發售商Clayz)！
只能夠講呢位邪神出嚟嘅成品質素之高，已經徹底超越前人，令到當時嘅動漫迷（包括但不限於本人）都拍案叫絕！ 甚至掀起咗搶購潮，令到市場長期處於一隻難得嘅狀態，價值更加係爆升數十倍！
香港更有多個團體進行疑似宗教儀式，其中部分教徒更不乏知識份子
後來唔知係邊位邪教教徒嘅傑作，大邪神竟然直接降臨於秋葉原召開的「クレイズ萌え～ろ祭り2006」！ 工作人員唔單止喺會場一角設置專門祭壇，而且旁邊就是宮川武老師所製作嘅1/6Saber！宮川武本人見到邪神後，竟然非常有興趣，不過最後幾經轉折才透過關係與一個中國漫畫家入手。
(圖片來源:アキバBlog,感謝授權)
對於呢個得來不易嘅邪神，宮川認為這是「治癒心靈，讓人心境平靜」嘅產品。這後來亦成為了形容邪神嘅金牌名句！
(圖片來源:http://www.ayakado.com/saberion/saberion.html)
由於邪神治癒而又獨具神秘氣質，因此亦惹來了不少惡搞，例如Cosplay Saber時穿上那副視線奇異嘅外突眼球。亦有同人漫畫以此為題材，讓正牌Saber也被「感染」，五官也變成了邪神般那樣！「邪神」一詞自此亦被人用作形容樣相與原圖有很大出入，造型崩潰嘅Figure！
邪神Saber嘅事情在此告一段落，但邪神嘅傳說is just the beginning…
(圖片來源:アキバBlog,感謝授權)
邪神Saber最奇妙嘅地方，係你由唔同角度望佢，都會睇到唔同表情，而且佢總係會望住你，直頭同蒙娜麗莎一樣！ 唔怪得Clayz社長直言連宮川武老師都做唔到。
邪神Saber已經係天價難求
About Post Author
