今次係大阪住嘅第一間酒店就係梅田OS酒店（Umeda Os Hotel），貪佢夠晒方便，鄰近地下鐵東梅田站同埋大阪 JR站，去京都同環球影城都唔洗轉車！最緊要係房價夠平！
酒店位於御堂筋馬路旁邊，周圍都有好多商店同埋百貨公司。
大堂嘅一樓係一間漫畫網吧，24小時營業，如果喺酒店太悶可以落嚟坐下喇。
大堂設計簡約，簡簡單單，幾舒服。
Check-in 超快搞掂，俾本 Passport 佢就得～
連住大堂喺日式意大利餐廳 Saizeiya，有自助早餐供應，朝早一落樓就食得！（1,060円一位）
上房喇，今次住喺12樓12室。
房入面同其他日本嘅酒店無咩分別，都係比較細，不過兩個人住都絕對無問題嘅，張床都幾舒服。
枱頭有免費咖啡沖劑同茶包提供～
仲有唔同電話嘅叉電線，唔洗驚唔夠插頭用！
床頭就有部電視，可以睇到唔同日本頻道，而電視下面就係一個小雪櫃。
廁所都唔大，不過應有嘅例如風筒、沐浴露、洗面乳、潔手液等等都有齊！
當然唔少得牙刷、鬚刨、毛巾等等。
房門口有兩個衣架可以晾衫。
酒店房就算設備齊全，不過住呢度主要喺因為地理位置實在方便，酒店後面就係一條食店街。
應該有超過30間餐廳同酒吧，不過朝早好多都未開門，哈哈～
隔離仲有一座露天神社，入面環境都幾寧靜舒適，可以順便入去求支籤，睇吓近排運勢如何～
總括嚟講，住呢間酒店最大誘因都係因為交通方便，行去東梅田站都只係五分鐘，喺大阪周圍玩都非常方便。而樓下就有各式各樣嘅日本餐廳同酒店，夜晚就可以去食下晚餐、宵夜，或者飲杯野先返上房都無問題～啱晒我呢啲唔鐘意留喺房嘅人～
客房類型：禁菸房／吸菸房
房內設施：空調設施／客房內冰箱／風筒 / 坐浴桶 / 獨立浴缸及淋浴設備等等
網際網路：免費網際網路 ／免費高速上網 (WiFi)
服務：機場接送／乾洗服務／洗衣服務
入住時間: 13:00
退房時間：11:00
鳴謝Expedia。
About Post Author
