每次去日本，Mika都會去LOFT同TOKYO HANDS尋找B SIDE LABEL嘅貼紙～貪方便唔洗專登走去專門店吖嘛～
不過，最近我就發現成田機場第2航廈嘅旅遊雜貨店有賣B SIDE LABEL嘅商品～
鋪仔細細，但係鬼死咁齊，門口依個坐住飛機嘅企鵝款仲要係機場限定㖭！
大家寄完行李一定要過嚟睇吓啊！
門口已經放住啲衫、tote bag、貼紙等等，入面仲有更多寶藏！
好多loft同tokyu hands都冇賣衫㗎！所以我見到個陣真係雙眼發光！
你地睇吓！啲tote bag好可愛啊！同埋佢個袋唔係薄切切一揹就爛個種，質地唔錯㗎！
好多款，任你揀～
其中依個愛麗絲夢遊仙境嘅tote bag係同其他一般?啲唔同形狀㗎～
日本有好多個愛麗絲夢遊仙境嘅周邊商品，但係依個design真係我見過最特別最靚嘅！
細細個嘅袋仔做相機袋又得，放太陽眼鏡又得，放梳放唇膏又得，得咗！
仲有散子包㖭！
跟住就到主打嘅防水防晒超能貼紙啦～
貼係喼、水樽、電腦、飯盒、筆記簿……總之想貼起邊就可以貼到起邊！
依個可以貼係自已嘅相上面，又或者貼起樓上個啲動物貼紙上面～
我覺得海獅同貓頭鷹最得意！
依個水彩動物系列係B SIDE LABEL入面我最鍾意嘅系列！D水彩色真係mix得無懈可擊！
另外仲有近年大熱嘅指示牌貼紙～啲對白仲要勁頂癮～有英文喺下面，唔怕唔識笑！
係啊，你地冇睇錯啊！B SIDE LABEL係連耳環都有出㗎！好多都想要，好難揀！
水彩動物系列就好型棍子，太陽蛋＋天婦羅蝦就得意又搞笑～真係ABCDE餐樣樣都想要～
又係依個愛麗絲夢遊仙境系列！變咗做耳環，一樣咁夢幻～
其實依到仲有好多唔同類型嘅精品，種類款色甚至仲齊過專門店啊！
勝在依到啲野唔係袋就係細細舊，臨上機先買都唔怕難拎吖嘛～～～～
想了解更多B SIDE LABEL?
㩒入佢地官網睇吓啦～byebye～
About Post Author
