女神呀女神！點解你可以咁「卡華依呢」架？
有村架純，日本新一代超人氣女神，憑住佢既清純外表，配上令人憐憫既兔妝，你話叫人點樣唔迷戀佢呢？
而家係日本，人人都模仿佢化兔妝，等顏值高D！
但唔係人人睇完雜誌既化妝教學就可以變成另一個有村架純！你睇！
嘩！心血少D真係俾佢嚇到魂飛魄散！
喇喇喇！我絕對唔係因為佢肥先咁講，而係因為佢化妝化到「堅離地」！
化到咁紅卜卜做咩姐？邊有兔仔係紅卜卜架？
呢個又係俾佢激到我反白眼！
係！兔仔多數係白色，但唔係就叫你化到成塊面咁樣囉！死人化妝呀？
算喇！等我黎分析一下有村架純點解咁成功啦！
1‧毛茸茸既眉
2‧好似兔仔既圓碌碌眼仔
3‧倒三角形瓜子面
4‧向上揚既嘴角
5‧半月形淚袋
6‧櫻桃小咀
如果你本身有齊以上既條件，恭喜你！你素顏已經完勝！絕對係香港版有村架純！
無既話都唔洗灰心！因為可以靠化個兔妝黎補救！
兔妝，主要著重於眉、淚袋、嘴唇！
首先，兔仔本身俾人感覺好楚楚可憐，所以眉毛方面，千其唔好畫咁深色同實色！
建議用淺啡色系列黎畫眉，以下就係個好例子喇！
之後到眼妝喇！由於兔仔係屬於大自然既，基本上唔用假眼睫毛都得！
但如果真係要用既，建議用自然系列既假眼睫毛。
因為眼妝係要好分明咁見到一條條又長又直既眼睫毛。
好似佢咁，用淺粉紅色眼影就岩哂喇！俾人感覺好似岩岩喊完黎咁！
記得淚袋位置，除左用珍珠筆打光之外，都要貼住下眼線位置掃D淺粉紅色眼影架！
最後到唇妝喇！點先有個櫻桃小咀呢？可以用比眼影深少少既粉紅色唇膏。
不過，天氣凍，唇部都會乾燥，會有唇紋或者甩皮情況。
建議先搽潤唇膏打底，然後先再搽唇膏，就能夠打造出水潤亮麗既櫻桃小咀喇！
有時間又有心機而你本身又長頭髮既話，不妨用曲髮棒夾曲D頭髮。
等頭髮有多D空氣感，配合返兔仔既毛茸茸感覺。
好喇！教就教完喇！化唔化到個兔妝變成有村架純就睇你喇！
About Post Author
