踏入左四月後，唔知大家對二月份乃木坂46嘅香港表演印象係咪仲好記憶猶新呢？
幾日前，以香港公演影像同成員訪問片段為主嘅特備節目《乃木坂46 meets Asia!～香港ver.～》於多個網上平台發佈，
可以俾大家再度回顧一個多月前嘅演出。
圖片：成員在演出前組成圓陣互相打氣
逗留係香港果幾日嘅乃木坂46嘅成員係進行演出同接受我地LikeJapan嘅訪問之餘，佢地亦有係香港各地取材拍攝。
衛藤美彩：香港印象華麗
節目中個人訪談打頭陣嘅係衛藤美彩。
圖片：衛藤去左旺角女人街揀旗袍，又去左金魚街果頭拍攝
衛藤係第一次到訪香港，對香港嘅印象就係「華麗」(日文：派手)。
另外衛藤表示越來越感受到亞洲粉絲增多嘅現象，尤其係好多都係黎自香港，
令佢非常好奇香港粉絲到底係幾時同透過咩途徑認識到乃木坂46。
星野南：決心要講廣東話回報粉絲
第二個出現嘅成員就係星野南（星野みなみ）。
圖片：星野獲贈帶有新年氣氛嘅可愛圖像
正值農曆新年前黎到香港，星野表示香港街上密集嘅人群令佢吃驚。
望到粉絲自製嘅應援物同印有成員名稱嘅毛巾，難得黎到香港令佢決心要用廣東話自我介紹黎回報粉絲嘅用心。
圖片：黎到文武廟，星野亦都入鄉隨俗學習中式嘅許願方法
西野七瀨與高山一實：中環與尖沙咀
影片中跟住採訪嘅係西野七瀨。
休息嘅日子甚少外出嘅西野好憧憬係海外活動，就好似今次係香港咁可以自由係街上四處遊走。
圖片：西野同另一成員高山一實造訪位於中環嘅90年代嘅香港愛情電影《重慶森林》外景地點同係鏞記酒家食飯。
最後高山一實（高山一実）嘅訪談轉移到尖沙咀取景。
圖片：高山同西野就去左重慶大廈同海傍一帶
睇到最後，希望成員們今次都有好好享受到香港之行。
同埋最想講一句：希望乃木坂46可以快啲再黎香港演出啦！
以上文中所用嘅圖片全部截取自《乃木坂46 meets Asia!～香港ver.~》官網
About Post Author
