[乃木坂46即將襲港] 率先介紹乃木坂46的中心成員ー西野七瀨

來港嘅14位成員入面，不知從何入手？首先大家必須要認識嘅，就係經常企係中央位置嘅成員。

西野七瀨

出生日期：1994年5月25日

暱稱：Na-chan（なぁちゃん）、Nanase（ななせ）、Nanase-maru（ななせまる）

螢光棒應援色：綠色×白色

無需質疑七瀨的確係乃木坂46當中人氣最高嘅成員之一。作為華之94年組嘅一員，同一樣會嚟香港嘅櫻井玲香、若月佑美等人氣成員屬同年代出生。七瀨性格比較靦腆，再加上因為大阪出身而講得一口自然嘅大阪腔係佢嘅特色。係節目上間唔中就會見到佢進入省電模式，係一邊放空同沉默寡言咁，但其實當佢滿電既時候笑起黎好讓人治癒，非常惹人憐愛。

如果要用兩個字，應該可以用「奇妙」黎形容西野七瀨。佢外表雖然看似柔弱，但偏偏好鐘意雀鳥與爬蟲類動物。之前有集節目講七瀨要去爬蟲類café拍攝，七瀨一去到就表現得好雀躍，甚至曾經表示想要飼養蜥蜴作為寵物添！

圖片：節目中能夠親近爬蟲類動物既七瀨表示大滿足

七瀨係一個鍾意靜態活動嘅人，室內派嘅佢放假嗰陣鐘意喺屋企打下機，睇下漫畫咁。由於好鍾意漫畫《JoJo的奇妙冒險》，好多時佢喺音樂節目《Music Station》出場果陣都會模仿「JOJO立」嘅誇張站姿。其實七瀨喺上年年頭私底下已經同過成員嚟過香港旅行，不過難得去一次旅行嘅西野，好多時都只係負責幫成員睇行李。（笑）

圖片：係外國拍攝寫真集時不忘擺下JOJO站姿

七瀨好鐘意畫畫，佢筆下創作既「Doiya-san」（どいやさん）亦非常出位。先後出左實體化嘅公仔、T恤、鎖匙扣等好多唔同類型嘅周邊俾粉絲收藏。

圖片：係節目到七瀨仲製作過「Doiya-san」既鍋

另外，七瀨好早期嘅時候，已經係唔少人嘅時尚指標，被公認為有品味嘅佢，更加係著名時裝雜誌《non-no》嘅專屬模特兒，已經上過好幾次封面。自第8張單曲《察覺時已是單戀》時首次擔任Centre之後，之後每次有新單曲發行都係Centre既大熱人選，至今佢已經有五首solo曲。喺電視劇《初森BEMARS》、電影《薙刀社青春日記》、同依定播緊嘅改編電視劇《電影少女》，全新都係主角。而且喺綜藝節目《獅子的對拳》又有做主持，多棲發展相信可以令七瀨嘅人氣更上一層樓。