[不敗日記] Hello Kitty迷不能不知道既購物攻略！
博客 旅遊 東京

[不敗日記] Hello Kitty迷不能不知道既購物攻略！

By 新東方不敗 / 2016-03-15

又到左[不敗日記]時間喇～話說我係個Hello Kitty迷！
咁去得日本，就梗係要去Sanrio濕平掃貨啦～
 
[不敗日記] Hello Kitty迷不能不知道既購物攻略！
 
呢間Gift Gate係位於池袋，由池袋車站行過去大約5分鐘左右啦。
都幾多遊客去果到買野，點解呢？
因為呢到係……免稅！！！
 
[不敗日記] Hello Kitty迷不能不知道既購物攻略！
 
一見到「免稅」兩個字，就梗係即刻衝入去「爆買」啦！！！
留意，係要買滿10001yen以上先可以免稅架！
如果係消秏品既話，就要買滿5001yen以上先可以免稅～
 
[不敗日記] Hello Kitty迷不能不知道既購物攻略！
 
我發現店內既Melody野比起Kitty既野可愛得多！！！
 
[不敗日記] Hello Kitty迷不能不知道既購物攻略！
 
有期間限定既櫻花版Kitty同Melody產品～
唔知點解硬係覺得隻Kitty怪怪地咁～有無人有同感？？？
可能睇慣左Kitty帶蝴蝶結～～～
 
[不敗日記] Hello Kitty迷不能不知道既購物攻略！
 
[不敗日記] Hello Kitty迷不能不知道既購物攻略！
 
[不敗日記] Hello Kitty迷不能不知道既購物攻略！
 
[不敗日記] Hello Kitty迷不能不知道既購物攻略！
 
係左揀右揀之下，我要左呢個Melody袋～仲買左其他野～
 
[不敗日記] Hello Kitty迷不能不知道既購物攻略！
 
[不敗日記] Hello Kitty迷不能不知道既購物攻略！
 
有網友留言叫我買呢個Bath Ball，於是我就買左一個黎試下～
真係好香～好得意～不過對於我黎講～要成5百幾yen就有點……
 
我就係咁岩買夠10000yen，就係爭個1yen，都唔可以免稅，谷住買多少少野～
 
好！戲肉黎喇！！！購物攻略！！！！！
俾錢時，記得同店員講要Point Card！！！！！
 
[不敗日記] Hello Kitty迷不能不知道既購物攻略！
 
[不敗日記] Hello Kitty迷不能不知道既購物攻略！
 
係唔洗錢架！記住！係唔洗錢架！！！
既然唔洗錢出卡，點可能唔出呢？
出黎有咩用？就係草積分換禮物lo！！！
一張帳單，每購物200yen就得到1分，所得積分有效期為1年。
我就有50分！雖然成日黎日本，但係我都唔理咁多，即刻用分換禮物！
15分就有條小毛巾，50分就有個Hello Kitty迷你收納盒。
店員話個Hello Kitty迷你收納盒可以放到CD！所以我就用哂d積分換左佢返屋企喇～
 
[不敗日記] Hello Kitty迷不能不知道既購物攻略！
 
我買左咁多野，都只係1萬yen多dd咋～免稅之餘～仲有禮物送～真係超抵～
而且店員仲免費幫你包禮物～
每個禮物除左用粉紅色帶綁住封口外，仲有得俾你揀掛咩樣既小小匙扣係禮物包上～
我終於明白點解果位朋友留言俾我話每次去都會大出血喇！！！
 
喇～無論你係Hello Kitty迷又好，Melody迷又好，布甸狗迷都好～
下次去Sanrio濕平時，就記得出返張Point Card草分換禮物喇！
要做個精明既消費者～知無？
 
＝＝＝＝＝我是低B分隔線＝＝＝＝＝
上回講到雙魚男佢幫我貼膠布，超窩心～
 
嘛…琴日係白色情人節（心）
為答謝佢同我講軍艦島既鬼故～我買左盒朱古力送俾佢～
我知係遲左d～不過佢收到好開心～即時拆開黎食～
之後仲餵我食，果一刻真係超ドキドキ（心仔卜卜跳）～
我教佢講廣東話時～佢突然拎左我支筆寫左我個名出黎～
佢話「名前を覚えてるよ！」（我記得你個名架）
嘛…好多日本朋友都係就咁嗌我日文名XXX，但只係得佢一個記得XXX既漢字係OO！
又一窩心既回憶～今日係咁loop周國賢首《14天》
「我始終需要情歌，沉睡在昨日一起的感覺。」
 
PS~我琴晚俾左周國賢首《不敵》俾佢聽～哈哈哈
 
[不敗日記]除左介紹吃喝玩樂外，都會同大家分享下我係日本發生既感情事～
希望同大家好似朋友咁，傾下心事～
中意得日本，唔多唔少都會想同架仔拍拖架嘛＝3＝
有咩感想既話，都可以留言俾我，或者inbox俾我架～

 

景點位置

About Post Author

[不敗日記] Hello Kitty迷不能不知道既購物攻略！

新東方不敗

See author's posts

Tags: , , , ,