![[不敗日記]想識Bandman？音樂發燒友必去嘅酒吧！](https://www.likejapan.com/wp-content/uploads/2016/08/thumbnail/2014_20160819165534.jpg){kind=small}
久違一段日子嘅[不敗日記]又再出現。
之前去親日本，日頭做完嘢，夜晚放工我都會去秋葉原。
唔好誤會！我唔係去執事Cafe呀！我係去酒吧～
有Follow開我Page嘅巴打絲打，應該都知我成日落秋葉原某間酒吧～
![[不敗日記]想識Bandman？音樂發燒友必去嘅酒吧！](/2016/08/editors/296/20160819163407_aRb7C40W.jpg)
有唔少人都有問我「一個女仔落酒吧唔驚咩？」「日本啲酒吧貴唔貴㗎？」「外國人入唔入得酒吧㗎？」
啲問題真係多到可以出本「十萬個為甚麼」，所以今集[不敗日記]介紹大家去我去開個間酒吧啦！
今会えるバンドマンBAR～ACROSS THE BORDER～（現在能見Bandman的BAR～ACROSS THE BORDER～）
![[不敗日記]想識Bandman？音樂發燒友必去嘅酒吧！](/2016/08/editors/296/20160819163026_R2hn9vxE.jpg)
由於店名太長，大家都會將店名簡稱為「アクロス（Akurosu）」或「ATB」。
呢間酒吧位於秋葉原，由車站嘅電氣街出口行5分鐘都唔使就到。
ATB同其他酒吧有咩分別？
![[不敗日記]想識Bandman？音樂發燒友必去嘅酒吧！](/2016/08/editors/296/20160819162906_Nfw9giAh.jpg)
店長同店員都係Bandman嚟！
店長希望客人同Bandman之間可以好似前Visual Band ViViD嘅歌《ACROSS THE BORDER》一樣，
可以跨過Bandman＆Fans呢條界線，客人能夠同Bandman見面、傾計。
因為平時只能去睇Live時見到台上嘅Bandman，無咩交流機會可言。
喺店入面，身為Bandman嘅店員會表演彈結他、唱歌等等。
![[不敗日記]想識Bandman？音樂發燒友必去嘅酒吧！](/2016/08/editors/296/20160819155732_iGajEAIp.jpg)
所以，店鋪擺設都加入咗舞台嘅元素，放有幾支電結他同貝司，牆身貼咗唔少Visual Band嘅Flyer同Bandman嘅簽名。
之前，我都有簽名落牆身到，揀咗簽喺イヴ嘅簽名下面。
![[不敗日記]想識Bandman？音樂發燒友必去嘅酒吧！](/2016/08/editors/296/20160819155732_giOmLs4C.jpg)
店長都係Bandman？
![[不敗日記]想識Bandman？音樂發燒友必去嘅酒吧！](/2016/08/editors/296/20160818165701_B3GQdKFR.jpg)
店長けん（Ken），原名中村健太，係前Visual Band アンド（And）嘅貝司手。
同前Visual Band ViViD嘅貝司手イヴ（IV）係大親友、好兄弟，イヴ有時都會去ATB搵店長けん㗎。
當初，我都係因為イヴ先去ATB，之後就同班日飯一齊去完簽名會就去ATB玩。
有邊個Bandman做店員？
等我介紹一下經常出勤嘅店員啦！
![[不敗日記]想識Bandman？音樂發燒友必去嘅酒吧！](/2016/08/editors/296/20160818165155_fj3jDQjh.jpg)
憂架（Yuuka）（Ex The♡Valentine. 嘅主音）
![[不敗日記]想識Bandman？音樂發燒友必去嘅酒吧！](/2016/08/editors/296/20160818165155_OrYAQLmx.jpg)
Yasu（AIRIS嘅貝司手）
![[不敗日記]想識Bandman？音樂發燒友必去嘅酒吧！](/2016/08/editors/296/20160818165155_4yg3wJeY.jpg)
蓮（Ren）（怪盜少年嘅結他手）
![[不敗日記]想識Bandman？音樂發燒友必去嘅酒吧！](/2016/08/editors/296/20160818165155_ifEA6kQf.jpg)
Zero（Ex Ash嘅貝司手）
唔係日本人，外國人入唔入得去？
![[不敗日記]想識Bandman？音樂發燒友必去嘅酒吧！](/2016/08/editors/296/20160819160405_ilx1wO0l.jpg)
大把外國人入去玩，由其係鍾意Visual Band嘅音樂發燒友。
我喺ATB都識咗唔少朋友，美國又有法國又有泰國又有。
無預約嘅情況下，就咁Walk-in入店？
![[不敗日記]想識Bandman？音樂發燒友必去嘅酒吧！](/2016/08/editors/296/20160819162202_hQEdE9II.jpg)
大丈夫！基本上都無問題嘅！
除非你一大班人衝上去，又或者入面開緊Party爆哂場啦！
我去咗三年，都未試過入唔到場。
不過，如果當日有Party嘅話，我都會早少少去～
唔識講日文喎，唔知點溝通？
![[不敗日記]想識Bandman？音樂發燒友必去嘅酒吧！](/2016/08/editors/296/20160819162036_ztvtdIGp.jpg)
店長けん同店員都識基本英文，簡單英文溝通到嘅。
不過，你要知道日本人嘅英文發音同我地係有啲出入。
呢個世界上有樣嘢叫Google Translate，有咩唔識一查個英日翻譯就搞掂。
第一次落日本酒吧，唔知叫咩嘢飲好？
普通飲品一杯價錢係700Yen起～
![[不敗日記]想識Bandman？音樂發燒友必去嘅酒吧！](/2016/08/editors/296/20160819154404_ThPbYC6j.png)
如果想同朋友或同店員一邊飲酒一邊傾計交流下音樂心得呢，我建議大家揀3000Yen嘅「飲み放題」，即係任飲。
但要留意，如果飲「テキーラ（Tequila）」或「イエーガー（Jäger）」，係需要額外俾錢，價錢大約係1000Yen一杯。
![[不敗日記]想識Bandman？音樂發燒友必去嘅酒吧！](/2016/08/editors/296/20160818165155_I4fVtA7M.jpg)
如果想慶祝生日、節日，可以開香檳，價錢為4000Yen、10000Yen、40000Yen不等，視乎香檳而定。
另外，如果想同Bandman一齊飲嘢嘅話，可以點杯請Bandman飲，價錢為700Yen起一杯。
不敗推介！我經常飲嘅係？
![[不敗日記]想識Bandman？音樂發燒友必去嘅酒吧！](/2016/08/editors/296/20160819164009_AgXJXOR0.jpg)
呢杯叫「キミコイ（Kimikoi）」，味道類似草莓奶味，甜甜地，好易入口。
每一次去ATB，我都一定會飲！
後嚟，當我一入ATB坐低時，大家都會自動調一杯「キミコイ」俾我。
有無額外收費？
![[不敗日記]想識Bandman？音樂發燒友必去嘅酒吧！](/2016/08/editors/296/20160819154404_rFEU0fPH.png)
要收消費稅，同服務費。
服務費︰18:00～23:00係1000Yen，23:00～05:00係2000Yen。
接受現金及Visa俾錢！
如果飲醉咗，行樓梯落去咪好易仆X囉？
![[不敗日記]想識Bandman？音樂發燒友必去嘅酒吧！](/2016/08/editors/296/20160819162622_lNSu5t4r.jpeg)
首先，幢樓太矮，所以係無電梯，要行兩層樓梯上落酒吧。
可能大家都會擔心，飲醉咗，要走個時點算？
大丈夫！大丈夫！因為係會有店員送你落樓嘅，仲要喺你前面倒後行落樓梯。
有店員咁細心睇實你，就唔使擔心自己碌落樓梯啦！
注意事項
無論係巴打定絲打都可以去，不過，要年滿21歲！
雖然店員係Bandman，但由於唔使出Show，基本上係唔會化妝，大家要有被素顏雷到嘅心理準備！
店內嚴禁偷拍店員，除非得到店長或店員許可。
好多人都問我最愛日本咩地方，我都會答「ATB」。
因為ATB帶俾我有好多好多寶貴嘅回憶。
今会えるバンドマンBAR～ACROSS THE BORDER～
營業時間︰星期日至四 18:00～23:00，星期五及六18:00～05:00，節日及慶生Party 21:00～05:00
地址︰東京都千代田区外神田3-2-11遠藤ビル3F
網址︰http://imaaerubandman.jimdo.com/
交通︰JR秋葉原站行大約３分鐘， 末広町站行大約５分鐘
![[不敗日記]想識Bandman？音樂發燒友必去嘅酒吧！](/2016/08/editors/296/20160819164859_w7umzTm9.jpg)
About Post Author
![[不敗日記]想識Bandman？音樂發燒友必去嘅酒吧！](https://www.likejapan.com/wp-content/uploads/2018/09/1-1471327241-150x150.jpg){kind=avatar}