去台場除咗血拚Outlet之外，其實旁邊嘅「Decks Tokyo Beach」都有好多野玩㗎，啱晒一大家細。今日就同大家睇下其中一個親子遊熱點「Legoland Discovery Center」啦！
▼Legoland同旁邊嘅蠟像館屬同一集團，可以優惠套票入晒兩個場。
▼到處都係Lego造型嘅角色人物。
▼沿路行第一個場館係一啲簡單嘅小遊戲。好似睇下你嘅體重等於幾多個Lego。
▼小朋友會好鍾意嘅填色遊戲，可以選擇唔同嘅圖案。
▼另外仲有一個好似迪士尼樂園巴士光年射擊遊戲嘅設施，佢都係射擊計分，只係全部都轉晒做Lego主題。呢個對大人黎講算係可以一玩嘅遊戲。
▼繼續行你可以見到Lego嘅微世界。大大個Decks就咁呈現出黎，仲有台場嘅招牌摩天輪。
▼東京機場，仔細睇竟然好多人係天台上面狂歡。
▼淺草雷門寺完美呈現。
▼唔駛怕認唔到啲景點，因為旁邊會有圖解說明。而且每到一定時間佢就會調節燈光，等你感受早晚不同嘅微世界。
▼再到另一層就係大型嘅兒童遊樂設施，見到好多小朋友都玩到唔捨得走。
▼可以自己動手砌一架Lego車出黎進行Battle。
現場其實仲有4D影院同埋Lego工作坊俾大家參加，不過有指定時間，有興趣嘅話記住睇清楚時間表先。
▼當然唔少得商店區域。
後記：話明係親子遊，呢個Legoland絕對可以滿足小朋友嘅願望。大人血拚完想休息，俾小朋友入黎瘋狂放電都係一個唔錯嘅選擇。而且每到一個區域都可以儲印章，儲夠一套就可以拎到一份小禮物，令小朋友投入感大增。遊玩時間建議可以預番兩至三個小時。
不過Legoland購票方面，現場買係會貴過網上買㗎。所以建議大家預早購票啦。
以下為大家介紹三種最常用購票種類：（購票網站）
1）Standard Tickets
即日票售價為2,300円。如果預早網上購票就有分時段嘅折扣優惠。但注意上網購買當日票都係會收番原價。
2）Parent and Toddler ticket
如果你係同小朋友一齊黎玩嘅話，可以購買呢個家庭套票。咁就無入場時間限制，以4點前入場計仲抵啲添。
3）Combo Tickets
文初提到Legoland同旁邊蠟像館係同一集團，所以佢地就推出咗一Set「Combo Tickets」。可以一次過玩晒兩個館。不過留意返如果入Legoland最少必須要「一大人一小童」嘅組合。
大家記住揀番適合自己嘅套票啦！慳得一蚊得一蚊，留番去便利店買個杯麵返酒店食都好啦
【Legoland Discovery Center】
地址：Island Mall 6F, Decks Tokyo Beach, 1-6-1 Daiba, Minato-ku,
電話：03-3599-5168
時間：星期一至五 10:00－20:00 （最後入場18:00) 星期六日 10:00－21:00（最後入場19:00)
Email : Tokyo@legolanddiscoverycenter.com
About Post Author
