喺時候介紹吓我上次喺東京池袋住嘅 Airbnb！簡直喺一個人、一 pair 人、一家人去旅行嘅恩物！唔洗再住啲細到爆嘅酒店喇！
唔喺講所有 Airbnb，只喺我住嘅呢間。點解會讚到咁？睇落去就知！
首先上 airbnb.com 簡返民宿，我最後就揀咗呢間喺池袋。
地址要訂咗先話比你知，所以我唔公開啦。
一晚 $320／一個人（未計清潔費同服務費）
清潔費就住幾多晚都喺 $280
服務費就一晚 $72，第二晚 $112，愈多愈貴。
所以一個人住 4晚喺 $2102，兩個人喺 $2996。
設備都喺果啲，但喺見到最多人客喺六位… 我果陣都嚇一嚇，一個人俾唔俾 Book 呢？
以我地香港人嘅性格梗喺諗，佢梗喺想租比多人客嘅，賺多啲錢啦。
最後決定試下 inbox 佢，竟然佢好爽快咁應承！（落訂日期離出發日期只有大約兩個星期）
目前有二十位評價，大部分都喺好評（我都喺其中一個）
喺池袋北口出，一直行，七分鐘左右就到住所。
經過呢間開到零晨 12點嘅超級市場，行多一個街口就到！樓下有間超市都算方便。
喺我出發之前，BNB 嘅管理人主動 whatsapp 我，教我點去民宿。話會將鑰匙放低喺信箱。
第一個閘門唔洗鑰匙
第二個閘就要鑰匙打開先入到去！提高咗安全度。
走廊
一入到門口右邊鞋櫃就已經見到好多裝飾～正！
而門口左邊就喺廚房，麻雀雖小，五臟俱全。
不過無用，因為我唔喺黃秋生。
再行入去就喺廁所，好細，不過有電動廁板，我最愛
廁所同浴室分開嘅，不過就喺隔離，咁樣都幾好。
跟住就到大廳？定喺房？是但啦，一樣野嚟！
中間有住宿教學同資料，都喺講下 wifi 呀、Check out 時間果啲。
實在太俾心機去佈置！住喺咁藝術嘅地方，個人都開心啲
呢張按摩椅，我每日行到攰返嚟都坐一陣，唔喺話好有用，不過舒服囉，坐低諗下野～
梳妝台俾我拎咗嚟做叉電基地，哈哈。
兩張大床，呢度應該喺訓到 5個人，再梳化訓 1個？我無得試唔知，我淨喺知我一個人訓兩張大床好爽～
好喇，間房就行晒喇。
其他設備就有細細個嘅雪櫃
免費洗衣機，洗衣粉！
另外，BNB 管理人喺有機場接送服務，因為我地班喺夜機，十一點幾先落機。
所以就用咗佢地嘅服務，由機場到民宿 10,000 日圓（車程一小時，不行高速公路）
回程就網上預約咗的士大約 12,000 日圓（車程半小時，高速公路）
結論，好似同酒店差唔多價，不過房大過普通嘅酒店一倍有多，仲咁藝術性，咁靚，等等嘅服務。
我覺得好值得住！不過一個女仔可能要小心啲，夜晚附近都比較靜，而池袋北口比較多風月場所。
所以自己決定啦～
About Post Author
