日本美食多，但一日N餐都未見飽？咁不如直接嚟呢間位於札幌嘅炒麵專門店「やきそば屋 大通店」食返轉！呢度嘅炒麵分咗10個Size，由夠哂一個女仔食嘅「並(1玉)」到用足咗12個麵整嘅「信じられねい（12玉)」都有，今次唔會食唔飽啦掛！
店舖開業到而家已經有40幾年，同大通站相連，店內一貫小店風格，座位唔多，好有風味。
去店舖嘅途中一定會被呢個廣告箱吸引住！呢個箱Show哂唔同size嘅炒麵到底有幾大份。
喺呢度食野要先買食券，唔識睇日文唔緊要，識睇數目字就冇問題，「7玉」即係7個麵。
由於炒麵真係得炒麵，唔會有任何材料，所以揀完麵嘅份量不妨揀多幾個材料令炒麵更加豐富。材料方面有香腸、炸豬扒、漢堡扒、燒肉、雞蛋等等多款選擇。
7個麵整成嘅「これでもくらえ」已經好似成座山仔咁，不過對極度肌餓嘅人嚟講呢碟簡直係小兒科。呢度嘅麵條質感偏向彈牙，即叫即炒，上枱時熱辣辣出哂煙！
食一啖覺得冇味係正常現象，因為炒麵講到明唔會加任何調味，所以千祈唔好傻更更向店員問點解。至於點解，而家話俾你知！（笑）
原來炒麵冇味係因為想俾個機會客人親自調配只屬於自己嘅味道，喺counter位就擺放咗呢10樽調味醬，有泡菜味、辣油、特製醬油、芝麻酢、燒肉汁等多達10款醬汁。好味嘅貼士係記得試吓用多幾款醬汁左溝右溝！
蛋黃醬係一定唔可以唔加嘅其中一款，加咗次後成碟麵嘅味道即時昇華！
淨係食麵都唔夠？加埋隻蛋同火腿夠睇頭啦掛！
やきそば屋 大通店
地址：北海道札幌市中央区大通西4-1 新大通ビル B1F
電話：011-241-6337
營業時間：星期一至五11:00～20:30 、星期六日及公眾假期 11:00～19:30
資料來源：mecicolle
About Post Author
