沖繩盛產美女，唔知大家知唔知呢？如果我話你聽，結衣BB都係沖繩出身嘅，可能你就一定明喇！其實日本娛樂圈都有好多出名嘅美女係沖繩出身嘅，而日本投票網站Goo就以「一講沖繩就會諗起嘅女明星」排行榜，一齊睇下大家覺得邊個最具代表性啦！
1）安室奈美惠 170票
2）仲間由紀惠 157票
3）新垣結衣 119票
4）國仲涼子 95票
5）黑木美紗 92票
6）上原多香子 79票
7）滿島光 75票
8）山田優 73票
9）比嘉愛未 63票
10）島袋寬子 46票
第一位係於1992年出道嘅歌姬－安室奈美惠！當時年紀小小嘅佢將幼眉、深色膚色及超迷你短裙等風潮傳到全日本，成為社會現象。一直走在潮流最前線嘅佢今年都只係39歲！即使到今時今日，大家講起沖繩最具代表性嘅女藝人都係會率先諗起佢呢！
第二位就係國民女優仲間由紀惠！無論係沉重認真定係喜劇角色都能夠發揮實力嘅仲間由紀惠參演過多套人氣電視劇，受到廣泛觀眾認同。白白嘅肌膚加上順滑長長嘅黑色頭髮，好多人都覺得佢有一種古典美，係傳統嘅琉球美人！
第三位就係大家都最中意嘅結衣BB－新垣結衣喇！出道多年一直受到觀眾喜愛，舊年一套《逃恥》將佢人氣再次推上最高峰，恭喜佢獲得第三位！
資料來源：Goo
About Post Author
