3~5月係日本嘅賞櫻期，相信好多人都已經買定機票準備去日本賞櫻。但千其唔好以為日本春天天氣就和暖，求其帶幾件夏天衫過去就算！因為日本每個地區氣溫都唔同，而且溫差大，比起冬夏兩季，其實春秋呢兩個季節先係最難準備又最麻煩！如果唔好彩遇著陰天／雨天的話，寒風會吹到你頭髮變顛雞、眼水＋鼻水不停流！到時都唔洗旨意可以影到靚相喇~
好，先概括一下唔同地區嘅氣溫：
就以4月為例，東京嘅平均氣溫係10~18度，最低係4度，朝早同夜晚都會偏凍。
而大阪4月平均溫度係5~17度，最低係0度！仲凍過香港冬天呀…
至於北海道，4月平均氣溫2~11，最低只有-2度，而且都仲會有落雪天，更加需要注意保暖！
雖然影相係3分靠景色，7分靠著衫，但溫差咁大，之前無賞櫻經驗的，真係唔知著咩衫好~咁就要留意以下tips：
★heat tech+薄長袖
4月份天氣開始回暖但都會有冷風，所以以heat tech配薄長袖top就最好。
晴天的話，日頭出門薄長袖就OK~千其唔好太厚，因為日本早春好多地方都仲會開暖氣，厚長袖的話就太熱了。
★防風外套／微厚外套
厚重毛衣、羽絨褸等通通可以唔洗帶，換成保暖防風又穿脫方便嘅外套就OK。
例如風褸：
皮褸都可以派上用場！
針織cardigan
牛仔褸都係唔錯嘅選擇
★頸巾/帽
留意！如果陰天或下雨的話，溫差會有10度以上，真心係會凍！所以頸巾同帽都可以各自準備至少一件，以防萬一。
★留意春雨
4月尾接近梅雨季，落春雨機率極高，行李有位的話，可以帶背心、縮骨遮或輕便水靴等防水item~
★妝容方面
個人覺得當然要化番個粉紅櫻花妝襯番櫻花吧！ヾ(✿❛ω❛ฺฺ)
★顏色和風格方面
放幾張超唯美嘅靚照比大家參考~
★出發前記得望一望日本天氣報告
日本天氣報告其實都幾準，可以參考一下網址：
http://www.jma.go.jp/jp/week/
如果打算著和服的話，下星期小編會詳寫注意事項和保暖方法，記得留意啦！
About Post Author
