位於岐阜縣的白川鄉近年成為了旅遊景點新熱門，當地雪景更加令人嘆為觀止。貴為世界文化遺產的白川鄉每年1、2月會有點燈活動，點綴合掌村莊，2018年1、2月就會有4場點燈儀式。
點燈時間／地點：
第1回：1月21日（日） 和田家附近、明善寺附近、西側附近、かん町附近、下ゴソ附近
第2回：1月28日（日） 和田家附近、明善寺附近、西側附近、かん町附近、下ゴソ附近
第3回：2月4日（日） 和田家附近、明善寺附近、西側附近、かん町附近、下ゴソ附近
第4回：2月12日（一） 和田家附近、明善寺附近、西側附近、かん町附近、下ゴソ附近
點燈時間：5:30pm～7:30pm
—————–
觀賞點燈最佳地方一定係展望台，可以觀賞到整個白川鄉。由於為點燈慕名而來的遊客眾多，基於安全理由，在點燈當日，展望台會實施收費同人流管制，每次限900人可以上展望台睇點燈。白川鄉觀光協會會優先派發展望台整理券予當日在白川鄉留宿的客人，然後以先到先得形式發售。
展望台整理券售賣處：JA停車場
發售時間：點燈當日4:30PM，售完即止
價錢：500円／人（小學生以上須購買）
手持整理券，就可以坐巴士上展望台。班次可以查閱點燈官網（http://lightup.asia/transportation/?lang=tw）
＊留意：遊客在冬天去白川鄉只可以坐巴士來回白川鄉至展望台，禁止徒步上山
—————–
以下是去白川鄉的交通攻略，有興趣可以留意。
日間交通：
—————–
【由高山出發】
由高山濃飛巴士中心乘坐濃飛巴士到白川鄉（車程約50分鐘）
車費： 2,470円（單程）4,420円（來回）
—————–
【由金澤出發】
由金澤車站前巴士總站乘坐濃飛巴士到白川鄉站（車程約1小時15分鐘）
車費：1,850円（單程）3,290円（來回）
＊留意：濃飛巴士必須預約，設有網上及電話預約，詳情可以睇番官網（https://www.nouhibus.co.jp/highwaybus/kanazawa/）
—————–
【由大阪出發】
由大阪站乘坐JR特急Thunderbird號到金澤站（車程約2小時40分鐘），轉乘濃飛巴士到白川鄉站（車程約1小時15分鐘）
車費：JR列車7,130円（單程）、濃飛巴士 1,850円（單程）3,290円（來回）
—————–
【由新高岡站出發】
在新幹線新高岡站巴士站乘坐世界遺產巴士到白川鄉（荻町）站（車程約1小時55分鐘）
車費：1,800円（單程）
無須預約，詳情可以睇番官網（www.kaetsunou.co.jp/company/sekaiisan/）
＊留意：以上去白川鄉嘅巴士由白川鄉開出嘅尾班車都係5:30PM或之前開出，想留低睇點燈嘅朋友就記得預先預約點燈期間限定晚間巴士。
—————–
【由名古屋出發】
從名鐵名古屋站附近嘅名鐵巴士中心乘坐歧阜巴士到白川鄉（車程約2小時30分鐘）
車費：3,900円（單程），設有10天內來回優惠價（成人7,000円、小童3,500円）
必須預約，設有網上及電話預約，詳情可以睇番官網（http://www.gifubus.co.jp/highway/shirakawa/）
—————–
晚間交通（日歸必須留意）：
濃飛白川鄉夜間點燈巴士（只來往白川鄉、高山至下呂）
為左照顧觀賞點燈嘅即日來回旅客，濃飛巴士會喺點燈當日設有「白川鄉夜間點燈巴士」，可以選擇喺下呂或高山出發，到達白川鄉有大約3個鐘自由活動時間，如果想上展望台睇點燈，當日要到白川鄉另取整理券。
時刻表：
下呂 14:10開車
高山 15:30
白川鄉16:30-19:40（離開時間）
高山 20:30
下呂 21:40到達
【下呂出發】成人6,000円、小童3,000円車費：【高山出發】成人5,000円、小童2,500円
只提供來回車票，沒有單程票，而且只有一班次。
＊留意：今年只接受電話預約，點燈日子前一個月同一日期9:00AM開始接受預約，換句話說，你想去1月21日嘅點燈，可以喺12月21日9:00AM致電預約，詳情可睇官網（https://www.nouhibus.co.jp/sale_shirakawago_illumination_zh/）。另外，唔識日文嘅朋友，如果手上有VISA白金信用卡，可試用白金秘書幫手預約，詳情可睇以下教學（【遊日小幫手】你可能不知道的VISA白金秘書服務）。
—————–
濃飛巴白川鄉點燈Local Tour（高山限定）
唔少人都好想一嘗住合掌造，但點燈期間一房難求，濃飛巴士特此推出「點燈＋合掌造晚餐Local Tour」，等大家住唔到合掌造都可以看試下喺入面食當地晚餐，Tour出發地點及回程終點只限高山，到左白川鄉有4個鐘頭自由活動時間，如果想上展望台睇點燈，當日要到白川鄉另取整理券。
時刻表：
高山 14:30開車
白川鄉 15:30-19:30（離開時間）
高山 20:30
車費：成人6,500円、小童4,100円
晚餐：設兩個時段，不可自選時段
＊留意：最少兩人預約，獨遊朋友參加唔到。只限網上預約（https://www.nouhibus.co.jp/hida/bustrip/shirakawago_illumination_dinner_en/），可以喺點燈日子前兩個月同一日期11:00AM開始接受預約，換句話說，你想去1月21日嘅點燈，可以喺11月21日11:00AM預約。
—————–
特別推介：
3つ星街道バス（期間限定）
JR西日本推出了期間限定的巴士旅行團，只需5000日圓（單程）就可以去白川鄉、五箇山和高山三大景點。每個景點都有充足時間給大家遊覽，非常適合一日遊的旅客，不用搭心交通問題。
推出時間：2018年1月13日至3月31日期間的星期六、星期日和公眾假期
時刻表：
金澤站 8：30開車
五箇山 9：30～10：30
白川鄉 11：30～13：30
高山 14：30～16：30
金澤站 18：30到達
來回車費：成人6,000円、小童3,000円
時刻表：
金澤站 8：30開車
五箇山 9：30～10：30
白川鄉 11：30～13：30
高山 14：30到達
車費：成人5,000円、小童2,500円
＊留意：出發時間前都可以上網買票，購票地址如下：https://www.kousokubus.net/BusRsv/ja/vacantseat/entry?LINE_CD=238&JOSHA_ST_CD=170015&KOSHA_ST_CD=170016&WEB_HOW_TO_BUY=1
電話購票就要早一日：0570-00-2424（10：00～19：00）年中無休
詳情：https://www.jrbus-dreamgo.jp/hokuriku_kanko/
自駕
唔想畀巴士綁住啲時間，自駕遊亦係個唔錯嘅選擇，不過要留意白川鄉泊車位置同數量，當日一定有好多人揸車去，唔想無位泊車記得早啲到啦。
【由大阪出發】
由梅田出發，經名神高速道路同東海北陸自動車道去白川鄉車程大約3小時50分鐘。
【由名古屋出發】
由JR名古屋站出發，經東海北陸自動車道去白川鄉大約要2小時12分鐘。
【由金澤出發】
由JR金澤站附近出發，經北陸自動車道同東海北陸自動車道大約要1小時。
【由高山出發】
由JR高山站附近出發，經高山清見道路同東海北陸自動車道大約要48分鐘。
—————–
白川鄉週邊地區簡介
相倉
距離白川鄉大約一個鐘車程嘅相倉合掌造り集落同樣係世界文化遺產，不過合掌造數量就冇咁多，但勝在冇咁多遊客，影相唔會後面一堆路人甲，可以感受番鄉村地方嘅寧靜，每年5月亦會舉行點燈。
五箇山
五箇山係由赤尾谷、上梨谷、下梨谷、小谷同利賀谷5個谷組成五箇谷間，因而命名五箇山，山谷交錯重疊令到呢度變成仙景，景色優美且寧靜舒服。2009年，米芝蓮旅遊指南將呢度評為3星級值得去景點，可見佢幾咁有魅力。
—————–
金澤兼六園
距離白川鄉一個多鐘頭嘅金澤有兼六園，呢度都有點燈活動，如果你2月先去睇白川鄉點燈，不妨去埋金澤睇點燈，而金澤城公園同玉泉院丸庭園，幾乎全年星期六日都會有點燈活動，詳情可睇番石川縣觀光情報（http://www.hot-ishikawa.jp/sys/data?page-id=20313）。
—————–
高山
位於飛驒高山中心部，由於妥善保留珍貴的舊日本街道而聞名，日本三大祭之一的高山祭，不論是春祭的日枝神社山王祭，還是秋天的八幡祭，都可以見到壯觀的屋台巡遊。
—————–
下呂
提起下呂立刻想起溫泉！於全國溫泉中，下呂跟草津、有馬可是並列「日本三大名湯」啊！
—————–
如果想一次過玩埋白川鄉周邊地區，建議大家使用「北陸、高山地區周遊券」，可以慳番唔少買飛時間同車費。（【尋找合掌造之旅】高山、北陸地區周遊券）
About Post Author
