日本人無農曆新年，所以一月一日就係佢地嘅新年。但同我地一樣，佢都會大掃除下，裝飾屋企黎近接新一年。以下就係日本新年必備嘅三種裝飾品：
注連縄（しめ縄）
平時係神社都會有注連縄，新年放係門口就可以趕走厄運，係新一年得到神靈庇佑。
門松
用松枝、竹子製成嘅裝飾品。據講神明會依附係代表長壽嘅松樹之上，所以會擺一對係門口用黎「迎神」。
鏡餅
由一大一細嘅年糕疊成，頂再放一個酸橙。整成圓形嘅年糕係古時一來係代表「滿月」之後就係新一年嘅開始，二來係因為係日本神話中有神明依附嘅三神器之一「八咫鏡」都係圓形嘅，所以就會擺係屋入面等神明住入去，保佑全家。而上面嘅裝飾唔同地方都會有啲唔同，但每一樣野都係會有唔同意義我就唔一一介紹，總之都係好野啦！新年之後要將它敲碎，用入面嘅年糕黎整雜菜湯或者紅豆湯。
以上三樣野係傳統上都有唔同日子擺放。不過依家已經越黎越少人遵守，多數都會過左聖誕之後先換上新年裝飾。但要記住避開29日（「９」讀音似苦）同31日（放得一晚唔夠誠意），所以最好28日就放好曬啲野。除左以上三樣基本野，以下仲有啲得意野都可以擺下：
羽子板
破魔弓
除左依啲日本獨有嘅擺設，日本人都同我地一樣會擺下小盆栽同果年生肖嘅裝飾品架。係咪覺得日本嘅新年擺設好多姿多彩呢？厭倦左揮春、年花嘅朋友，不妨參考下啦～
About Post Author
