好多人第一次去日本已經會去著和服，但好鍾意日本嘅我直到上個月第20次去日本先第一次著和服
，而家嘅我終於終於都試左和服體驗啦，即刻同大家分享下先！
，而家嘅我終於終於都試左和服體驗啦，即刻同大家分享下先！比較過唔同嘅京都和服店，我最後揀選左一間相對便宜嘅「四季櫻花」，我經KKDAY預約，只係USD29, 對番港幣即係＄226一個人～而經KKDAY預約再當日出示收據時，可以以 ¥1,080（以當天匯率0.072計算即港幣＄78)優惠價享用髮型設計（原價 ¥1,500）。
女生和服體驗＋髮型設計合共價錢：＄226+＄78=＄304
KKDAY預約網址：https://www.kkday.com/zh-tw/product/1853
不過我後來發現其實唔經KKDAY預約都可以用便宜價錢預約和服體驗，官網寫¥2980一個人，再加原價 ¥1,500的髮型設計＝¥4480，以當天匯率0.072計算即港幣＄323，與到KKDAY預約的價錢差不多。
官方預約網址：http://www.sakura-wasou.com/
▼「四季櫻花」地理位置好好，京都車站撘206號巴士喺「清水道」落車就可以。
▼落車後望向左邊就見到了！
▼「四季櫻花」門口
▼「四季櫻花」係近一兩年新開嘅和服店，原本係做舞妓體驗起家，但網上嘅分享唔係好多，本身擔心係唔係服務唔好呢，但放心唔係，原因睇埋落去就知！
▼門口都有寫上便宜的體驗價錢。
▼一入到門口感覺好簡約好乾淨，但係竟然無人，要按櫃台前的響鐘才有人過來招待。
▼然後把一早印好嘅收據比職員
▼再填一份表格就可以入去更衣
點解網上得好少人分享「四季櫻花」嘅和服體驗？原因好簡單，就係因為裡面係攝影禁止架＠＠
所以我就用文字分享返入去更衣室之後發生咩事啦
1.首先喺更衣換上佢比嘅穿襯衣同襪子，再放晒啲野入LOCKER
2.上一層揀選和服，腰帶及內搭
3.髮型設計
4.再穿上和服
5.揀選手袋及回到LOCKER位置取回出外的物品
－成個過程比想像中快，大約40分鐘左右。
－而且冇乜其他客人，我入去個時得我1個，然後着緊和服時先見到第2個客人！
－男女更衣室一開始就分開，所以無得問男朋友意見
－和服及腰帶選擇好多，而且係靚嘅，有選擇困難症嘅我非常頭痛幸好有職員幫手比意見～
幸好有職員幫手比意見～－有懂普通話的職員
－就算你幾矮小都好，職員都有辦法幫你縮短件和服
－髮型選擇有6個，有圖片比你參考
▼我最後揀選左以下呢款粉紅色和服配紫色腰帶，我覺得效果都唔錯呀，哈哈哈，個人黎講好鍾意！大家覺得點
▼由於第一次著和服同埋和服店好近清水寺嘅關係，所以我同大部分人一樣都係揀選清水寺作為我和服體驗嘅第一個景點！
▼和服圖案近睇，好靚呀，同埋我覺得第一次著和服真係要揀粉紅色HAHA
▼深紫色嘅腰帶
▼腰帶上的裝飾揀左白色，唔駛另外加錢架，有畫龍點晴嘅效果！
▼後面蝴蝶結，我覺得好靚呀！
▼內搭都有配撘過，粉紫色碎花，又係好靚呀， 內撘都係唔駛加錢的！
， 內撘都係唔駛加錢的！
▼鞋款都有得揀架，我就揀紫色襯返成SET個感覺
▼通常著住和服嘅人都會揀返小袋子，但我太多野想拎出去，所以就揀左一個大啲嘅袋～
▼髮型近看，其實我覺得整得一般
▼有啲頭髮飛左出黎，感覺唔夠整齊
▼有啲亂咁，所以髮型係我覺得最一般嘅地方
▼去清水寺要經過一條長命斜，上斜個時都OK，但原來最辛苦係落斜，對於本身冇著開人字拖嘅我真係好難受，落斜時2隻腳趾真係好痛呀！！
▼入清水寺要¥400入場費
▼著住和服雖然有啲緊，但真係好開心，應該每個著住和服嘅人都會好似我咁會瘋狂影好多相
喺道分享一下我喺清水寺影嘅相比大家睇啦～
▼你地可能會問著住和服可唔可以坐低食野？答案係得嘅，但就唔會好似平時咁可以食到好飽，因為條腰帶會好緊咁頂住個肚，唔可以好有胃口咁食好多野～
而我認為「四季櫻花」其中一個咁平嘅原因係同17：00前需要歸還和服有關，因為我知好多京都和服店都可以着和服到19：00；但我對「四季櫻花」整體嘅服務都好滿意，交通方便，價錢平，款式選擇多，我會推介比大家！
「四季櫻花」出租和服
地址：京都府京都市東山區東大路松原上辰巳町110-9-9
電話：075-533-6666
營業時間：09:00-20:00
網址：http://www.sakura-wasou.com/tw/
About Post Author
