▼奈良呢個地方相信大家第一時間都係諗係鹿，我同大家一樣，頭2次去奈良都只係為左見鹿仔同佢地影相，但其實奈良都有好多靚嘅景點，當中包括」若草山」，一個我非常喜愛嘅地方！
▼若草山係一座高約342米嘅山麓，位於東大寺同春日大社之間，有2個入口處，分別係南北入口，北入口就近東大寺，南入口就近春日大社，一路上就會有指示牌指示若草山嘅位置。
▼南入口位置
▼若草山都有好多鹿仔
▼入山係要比入場費，150YEN一個人，入場時間為早上9點－下午5點；不過注意返，最後入場時間為下午5點但並非5點就要離開若草山，只要你5點前入到去就可以逗留幾耐都得，不過夜晚係好黑的，所以都建議日落後就離開！
另外冬天係唔開放嘅，今年2016嘅開山日期就係由３月第３個星期六至１２月第２日星期日。
▼若草山係分左一重目，二重目同三重目；三重目係最高嘅山頂。
到達山頂三重目嘅時間約需要1小時，但好多人都話一重目嘅景觀比三重目更靚，因為三重目好多地方都被遮擋，所以我只係以一重目為目標，如果鍾意行山嘅朋友就可以挑戰埋二三重目啦！![【貝遊日本】奈良景點推介－若草山睇超靚日落]()
▼一入到去就見到一大遍草地同好多鹿仔
▼呢道啲鹿仔比喺奈良公園嘅鹿溫馴好多，見到人係完全一定視而不見嘅MODE![【貝遊日本】奈良景點推介－若草山睇超靚日落]()
，淨係專注食草。
▼咁我就同啲鹿仔影返幾張合照啦
▼好多鹿PATPAT![【貝遊日本】奈良景點推介－若草山睇超靚日落]()
▼呢道真係好舒服，非常空曠，又有大草地又有好多鹿，不過注意返一開始呢段草地有好多鹿屎，想坐低影相就要小心啲揀位置XD
▼同鹿仔影完相就開始上山啦，南入口入到去，靠近右邊位置就有一條小徑比你上行，都幾花體力架！
溫馨提示：記得買定足夠飲品，因為上到去係冇野飲買的！
▼上一重目淨係需要行2段斜路，大約20分鍾左右就上到去，你問我辛唔辛苦，我覺得還可以，佢的確係幾斜，但好在時間唔太長，所以我覺得怕辛苦嘅人都唔駛驚！
▼如果想再上嘅話就繼續行，但我就到達一重目就足夠啦![【貝遊日本】奈良景點推介－若草山睇超靚日落]()
▼若草山一重目，眼前嘅景像真係好靚，整個奈良市一覽無遺，重點係冇乜人，成個山頭就好似我玩晒咁![【貝遊日本】奈良景點推介－若草山睇超靚日落]()
係一個想休閒放鬆嘅好地方！
▼我上到去嘅時間係4月時份差唔多5點半，太陽慢慢咁落山，如果大家想睇純藍天嘅話就要早上嘅時間黎啦！
▼等緊日落嘅期間就影返幾張HYPER相先，因為我實在太鍾意呢道，所以開心到跳起![【貝遊日本】奈良景點推介－若草山睇超靚日落]()
同埋注意返呢道都幾大風～
▼太陽開始跌落去啦，真係無敵靚，好難想像一個咁靚嘅地方周圍仲要係冇乜人![【貝遊日本】奈良景點推介－若草山睇超靚日落]()
好感動～
▼又要CHOK返張相先![【貝遊日本】奈良景點推介－若草山睇超靚日落]()
▼完全唔想離開
▼呢到除左每晚有日落同夜景睇之外，春天仲會有櫻花，秋天會有紅葉，一定又會喺一個非常靚嘅景像！
而呢道喺每年1月第4個星期六仲有個好出名嘅火燒山祭！
《若草山》
地址：奈良縣奈良市春日野町若草157
入場費：150YEN
開山時間：0900-1700
About Post Author
